web counter
LEXO PA REKLAMA!

SHKARKO APP

App Store
Google Play

E fundit!

x

Pasojat e motit të keq/ Ministria e Mbrojtjes: Po punohet për rikthimin e energjisë dhe zhbllokimin e rrugëve

18 Shtator 2022, 11:50, Aktualitet CNA

Pasojat e motit të keq/ Ministria e Mbrojtjes: Po punohet për

Ministria e Mbrojtjes ka dhënë informacione të detajuara mbi situatën në disa prej zonave në Tropojë ku për shkak të motit të keq, pati rrëshqitje të gurëve, të cilët kanë bllokuar rrugët si dhe ndërprerjen e energjisë elektrike në njësinë administrative Fierzë dhe fshatin Valbonë.

Sipas njoftimit mësohet se në Bashkinë Tropojë ku pati dëme, gjendja është normalizuar, ndërkohë që vazhdon puna në terren nga grupet e punës për eliminimin e pasojave.

Në mbështetje të forcave në terren po punojnë mjete dhe forca e batalionit të Xhenios dhe Batalionit të Mbështetjes së Emergjencave Civile. Ndërsa bashkia ka ngritur grupet e vlerësimit të dëmeve.

Aktualisht në territorin e Bashkisë Tropojë:

Rrugët nacionale janë të qarkullueshme normalisht. (Curri-Valbonë, Ura e Bujanit-Qafe Morine, Sopot-Kerrnaj, Qafe Mejdan-Tropojë-Buçaj, B.Curri-Cërrnicë dhe B.Curri–Fierzë)

Rruga Lekbibaj-Fierzë është e bllokuar nga rrëshqitjet e gurëve, po punohet me mjetet e bashkisë për zhbllokimin e segmentit rrugor Lekbibaj-Sheshi i trageteve Fierzë.

Po punohet nga grupet e punës së OSHEE-së për riparimin e defektit në nënstacionin elektrik në Gropë Fierzë dhe rikthimin e energjisë në njësinë administrative Fierzë dhe fshatin Valbonë.

Në fshatin Degë njësia administrative Fierzë është dërguar një fadromë në mbështetje të komunitetit.

Në qarqet e tjera të vendit situata është e qetë dhe nuk janë vërejtur problematika./ CNA.al





Lajmet e fundit nga