web counter
LEXO PA REKLAMA!

SHKARKO APP

App Store
Google Play

1 milion vjeç, NASA publikon foto të liqenit të Prespës dhe Ohrit

17 Shtator 2022, 21:37, Aktualitet CNA
1 milion vjeç, NASA publikon foto të liqenit të Prespës
Foto ilustruese

Liqeni i Ohrit dhe liqeni i Prespës, dy nga liqenet më të vjetra të Europës, shtrihen në një zonë malore përgjatë kufijve të Maqedonisë së Veriut, Shqipërisë dhe Greqisë. Liqenet kanë ekzistuar për të paktën 1 milion vjet dhe ndoshta edhe më gjatë.

Kështu shkruan “NASA Earth” në faqen e saj në "Facebook" krahas një imazhi satelitor të liqeneve të kapur më 19 gusht 2022.

Ohri është më i madhi dhe më i thelli nga të dy, me një thellësi mesatare prej 155 metrash. Prespa ka një thellësi mesatare prej 14 metrash.

Shumica e miliona liqeneve në botë janë më pak se 18 mijë vjet të vjetra dhe u formuan kur akullnajat u shkrinë në fund të Epokës së Akullnajave. Gjeologët klasifikojnë vetëm 30 liqene, duke përfshirë Ohrin dhe Prespën, si “të lashtë”, shkruan NASA.

Në vitin 2010, shkencëtarët e Unionit Ndërkombëtar Astronomik i dhanë emrin Ohër një liqeni në Titan, një hënë që rrotullohet rreth Saturnit./euronews





Lajmet e fundit nga