web counter
LEXO PA REKLAMA!

SHKARKO APP

App Store
Google Play

Nga “grupi çiftelia” në krye të Policisë/ Rama tregon se përse emëroi Rrumbullakun në vend të Nanos

17 Shtator 2022, 14:51, Aktualitet CNA

Nga “grupi çiftelia” në krye të Policisë/ Rama

Gjatë bashkëbisedim online me gazetarë e qytetarë, kryeministri Edi Rama është pyetur edhe për emërimin e Drejtorit të Përgjithshëm të Policisë, Muhamet Rrumbullaku.

Kujtojmë se në kohën që mazhoranca e sotme ishtë në opozitë  e kategorizonte Rrumbullakun si pjesë e ‘grupit çiftelia”.

Në këtë rreth e kishin futur, pas qarkullimit të një fotoje ku ishin Rrumbullaku, Tonin Vocaj, Agron Kuliçi, Nikolin Bala dhe biznesmeni Arben Frroku i akuzuar për vrasjen e kryekomisarit, Dritan Lamaj.

Por, sipas Ramës, opozitarit të dikurshëm dhe sot kryeministër,  drejtori i ri është shembulli se qeveria nuk përdor modelin e ndarjes “të tanët” dhe “të atyre”.

“Nuk jemi një regjim patronazhistësh siç thuhet dhe me këtë rast i përshëndes patronazhistët kudo ku janë se janë zemra e pazëvendësueshme e Partisë Socialiste, por jemi një qeveri e cila vlerëson meritën,” – u shpreh Rama.

Rama tha ndër të tjera se Rrumbullaku ka mbajtur një nga postet drejtuese më të rëndësishme në Policinë e Shtetit dhe është një nga oficerët me eksperiencën më të gjatë dhe më karrierën më profesionale në Policinë e Shtetit.

“Kështu që ato çiftelitë dhe ato daullet e risjella 10 vjet më mbrapa në skenë për arsye që unë i di, por që nuk ka rëndësi fare t’i harxhojmë kohë publikut këtu pse dhe nga kush dhe si, nuk kanë asnjë vlerë. Muhamet Rrumbullaku është një vlerë morale, me një integritet të padiskutueshëm deri tani nga askush, të paktën deri tani sa i përket aspektit të ndershmërisë profesionale,” tha Rama./CNA.al





Lajmet e fundit nga