web counter
LEXO PA REKLAMA!

SHKARKO APP

App Store
Google Play

“E dinë kalamajtë e Rusisë se ç'ka Amerika dhe Britania”/ Ngjela i jep mend edhe Putinit

18 Shtator 2022, 14:37, Aktualitet CNA

“E dinë kalamajtë e Rusisë se ç'ka Amerika dhe

Avokati Spartak Ngjela, me anë të një analize për luftën Rusi-Ukrainë, ka paralajmëruar fundin e Vladimir Putinit.

Ndër të tjera, Ngjela ka komentuar edhe reagimin e fuqive të mëdha në lidhje me konfliktin Rusi-Ukrainë.

Sipas Ngjelës, Putini mendon si një 16-vjeçar, ndërsa Ministri i Jashtëm i Rusisë, Medvedev, është një kalama.

Analiza e Ngjelës:

Një komedi në skenën botërore, me dy adoleshentë që po drejtojnë Rusinë...

Mirë Putini që është një budalla që, si arsye, nuk e kalon moshën 16 vjeçare; por më kalama na qenkërka ministri i Jashtëm i Rusisë, Medvedev!

Ja si shprehet 15 vjeçari rus Medvedev:

"Toka do digjet, betoni do shkrihet: Po vjen “Armagedoni” ".

Janë, që të dy, pa asnjë vlerë logjike. Do fillojmë luftën bërthamore, i thonë Amerikës, po nuk ndaluat ndihmën perëndimore drejt Ukrainës.

Dhe presidenti Biden u tall me ta dje...

Ukraina i mundi keq

Në fakt Ukraina i mundi me një fitore historike. Atë që nuk ia bëri dot Nazizmi gjerman Rusisë, ia bëri demokracia e Ukrainës.

Një fitore e madhe kjo e demokracisë kundër terrorizmit dhe, edhe një fitore e lirisë në rrafsh botëror

I mundi Ukraina të dy krerët e Rusisë, por, mosha e vogël që kanë në arsyen e tyre, po i shtyn ata drejt marrëzisë.

Pse, mor fëmijë të humbur të Moskës, Perëndimi nuk ka armë bërthamore?!

Në fakt...

E dinë kalamajtë e Rusisë se ç'ka Amerika dhe Britania, nuk se nuk e dinë, por mendojnë të trembin Perëndimin. Hajde valle fëminore hajde!...

Është një humor i madh historik ky, kur dy kalamaj nga mendja mendojnë të trembin burrat e shtetit në Uashington!!!

Është komedi. Por që po vjen në skenë si rrjedhojë e tragjedisë së Putinit.

Në fakt, tragjedia që po i vjen Putinit është shpëtimi i Rusisë nga histeria tiranike Putin.

Dhe fundi i tij është i afërt.

Ushtria po kërkon ta vrasë. Kurse Putini, duket i trembur, dhe, në komunikimin e tij, është tërësisht i mbështetur në moshën e vogël të arsyes që ka.

Ne po shohim ndërkaq se atij po i duket që është duke kërcënuar me luftë bërthamore një çetë pionerësh në një shkollë të Moskë.

Mendjen e vogël, kur është në pushtet, dëshira për një pushtet të madh, e degdis shpesh në mendim fëminor..

Por, pikërisht këtu kuptohet se ka ardhur pjesa e fundit e tragjedisë Putin; dhe ka nisur komedia Putin.

Prisni dhe shikon./CNA.al





Lajmet e fundit nga