web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastrio Piroli tek Erjon Xheme/ 7 vrasjet që "tundën themelet" e policisë Shkodër në 9 muaj

19 Shtator 2022, 16:02, Aktualitet CNA

Nga Kastrio Piroli tek Erjon Xheme/ 7 vrasjet që "tundën

Vrasja e 19-vjeçarit shkodran Erjon Xhenje, ditën e mbrëmshme, ishte një tjetër vrasje e shtuar në sagën e krimeve në qytetin e Shkodrës për vitin 2022.

Një djale i ri, i sapodalë nga bankat e gjimnazit, humbi jetën vetëm sepse kishte lidhje gjaku me disa persona me të shkuar kriminale. 

Akoma funksionojmë me ligjin e kanunit, hakmarrjes, pasi siguria dhe rendi kanë marrë fund. Viti 2022 ka qenë një ndër vitet me më shumë vrasje, sidomos në qytetin e Shkodrës, dhe kjo vetëm për shkak për shkak se drejtësia nuk po funksionon siç duhet. 

Drejtorët e policisë, punonjës e me në krye, të parin e shtetit, flasin vazhdimisht se si krimi i organizuar po zhduken, duke shkarkuar e emëruar drejtorë, duke krijuar struktura të reja, të cilat deri më sot nuk po sjellin asnjë rezultat.

“Sipari” kriminal i këtij viti për Shkodrën u hap mbrëmjen e 4 janarit me atentatin e Kastriot Pirolit (34 vjeç). Dyshohej se sulmi ndaj tij lidhej me një vrasje të kryer në Malin e Zi.

Rreth një muaj më vonë, më 13 shkurt 2022, do të ekzekutohej Prek Tonaj (48 vjeç), për të vijuar më pas me vrasjen e Admir Bajrit (38 vjeç) në datën 9 mars, i cili u qëllua më breshëri plumbash dhe mbeti i plagosur rëndë.

Nazmi Bandula do të ishte një tjetër i shënjestruar, i cili u sulmua në një atentat të tipit mafioz në datën 12 prill në Shkodër. Figura e tij ishte mjaft e njohur për policinë, por derisa e gjeti vdekja ai vijonte i lirë aktivitetin e tij.

Një javë më vonë, në mbrëmjen e 12 prillit, një tjetër atentat i mistershëm ndodhi kundrejt shtetasit Edi Reçaj, në lagjen “Perash” të Shkodrës. Ngjarja ende nuk është zbardhur.

Në datën 3 qershor një tjetër lajm atentati erdhi nga Shkodra, ku mbeti i vrarë shtetasi Naim Bajri dhe u plagos miku i tij Astrit Zeneli.

Sakaq, në 14 qershor ishte shtetasi Pjerin Bushtulli, të cilin e “priste” një tjetër atentat mafioz në Shkodër, ku mbeti i plagosur rëndë.

Një ditë më vonë, në 15 qershor 2022, ishte 75-vjeçari Lulash Qepuri, i cili mbeti viktimë e një atentati në zonën e njohur si “Stom Golem”.

Pas një korrikut pa shumë “telashe”, ku dhe gushti dukej se po shkonte mirë, në datën 23 të këtij muaji mbeti i vrarë një tjetër shtetas, Agron Metushi. Shkak për këtë u bë një debat në një lokal në Shelqet me vrasësin e tij Alfond Palushi.

Në fillim të këtij muaji (ngjarja është ende e freskët), në datën 2 shtator mbeti i vrarë 57-vjeçari Ismet Çekorja. Vetëm 4 ditë para se të vritej ai doli në media dhe tha publikisht se jeta e tij ishte në rrezik.

Dhe ngjarja e fundit ndodhi mbrëmjen e djeshme më 18 shtator, ku humbi jetën një djalë i ri vetëm 19 vjeç.

Nuk është diçka e re tashmë, këto vrasje do të mbeten në arkivat e policisë së Shkodrës, edhe pse një qytet me një “grusht” njerëz, ku porositësi, autorët dhe viktimat jetojnë dera-derës.

Por të rrezikuar nuk mbeten vetëm qytetarët, por edhe vetë uniformat blu që janë caktuar për të mbrojtur qytetarët. Rikujtojmë se 5 efektivë të Shkodrës përgjatë këtij viti kanë qenë target i kanosjes, ku janë kërcënuar me djegie banese e deri te vendosja e tritolit në banesat e tyre. E gjithë kjo ka ndodhur vetëm për shkak se morën pjesë në operacionin antikanabis në Dukagjin.

Shkodra djep i kulturës, i shquar për humor, për art, për sport, turizëm e gjithçka tjetër që mund ta shndërronte në një qytet me siguri më të lartë dhe ekonomi më të lartë, por që kur strukturat e rendit po tregojnë indiferencën e tyre, papritur na kanë dalë disa pronarë që po bëjnë “zap” të mirën e përbashkët dhe po kërcënojnë qetësinë.

5 efektivë të Policisë së Shkodrës përgjatë këtij viti kanë qenë target i kanosjes nga djegia e pronës deri tek vendosja e tritolit nëpër banesa. Faji i vetëm i tyre ishte pjesëmarrja në operacionet antikanabis në Dukagjin./CNA.al

 





Lajmet e fundit nga