web counter
LEXO PA REKLAMA!

SHKARKO APP

App Store
Google Play

"Plehrë, dil përjashta"/ Zbulohet sherri mes dy drejtuesve të policisë

19 Shtator 2022, 16:23, Aktualitet CNA

"Plehrë, dil përjashta"/ Zbulohet sherri mes dy drejtuesve

E-mailet e ish-drejtorit të Policisë, Gledis Nano, kanë qenë kryefjala e lajmeve për sot, kjo pasi shumë të papritura dolën në “skenë”.

Por me sa duket hakerat iranianë jo vetëm vetëm që kanë “furnizuar” botën mediatike me lajme, por edhe kanë futur në “sherr” punonjësit e policisë.

Në një nga e-mailet e mbërritura në adresën e Gledis Nanos, ishte edhe një ankesë ndaj një oficeri, i cili ankohej për eprorin e tij, pasi ky i fundit përdorte gjuhë fyese.

Bëhet fjalë për shefin e sektorit ekonomik në Drejtorinë e Policisë së Tiranës, Haxhi Bala, i cili i është drejtuar Nanos përmes një ankese, duke shprehur se Drejtori i Policisë së Tiranës, Lorenc Panganika, ka përdorur fjalë fyese gjatë një bisede mes kolegësh në zyrën e Panganikës.

Në e-mailin e shkruar nga Bala theksohet se Panganika e kishte thirrur në zyrë për të biseduar lidhur me disa praktika për nënshkrim.

Biseda mes Balës dhe Panganikës kishte marrë një kthesë mjaft të tensionuar dhe ky i fundit e ka fyer Balën duke i thënë: “Plehrë, dil jashtë nga zyra, mos të ta shoh më surratin”.

E gjithë kjo situatë ndodhi për shkak se Bala i kishte kërkuar eprorit të tij që të mos e pyeste disa herë për të njëjtën gjë për të cilën ka dhënë përgjigje.


“Drejtor po me lodh, unë i thashë jam asistenti yt i drejtpërdrejtë për shërbimet qe mbuloj dhe drejtoj. Nëse nuk ekziston besimi, ma thuaj te bej kërkesë dhe te iki. Kaq ishte dhe shpërtheu, me fyerje.”, kështu i shkruan Bala në e-mail ish-Drejtorit të Përgjithshëm Gledis Nano, gjatë kohës që ky i fundit ishte ende në detyrë.

Krahas shpjegimit të situatës, Bala kishte kërkuar që gjithashtu t’i ndërrohej zyra për shkak se puna me Panganikën nuk mund të vijonte më normalisht./CNA.al





Lajmet e fundit nga