web counter
LEXO PA REKLAMA!

SHKARKO APP

App Store
Google Play

E fundit!

x

Fredi Beleri “ndez” debat/ Klodiana Lala “përplaset” ashpër me zëdhënësin e fushatës

25 Maj 2023, 22:53, Aktualitet CNA
Fredi Beleri “ndez” debat/ Klodiana Lala
Gazetarja Klodiana Lala

Një tjetër debat është regjistruar mbrëmjen e sotme për Fredi Belerin, kandidatin e koalicionit fitues të koalicionit “Bashkë Fitojmë” për Himarën.

Pas Artan Hoxhës, edhe gazetarja Klodiana Lala është “përplasur” me Skerdjan Dhulin, zëdhënësin e fushatës së Belerit.

Arrestimin e kandidatit fitues të Himarës, Dhuli e cilësoi si çmenduri të Ramës, ndërsa Lala deklaroi se ka prova.

Gjithashtu, ata u ndalën edhe te akuzat e ngritura ndaj Belerit për masakrën e Peshkëpisë, ku gazetarja i vuri në dukje se Prokuroria e Krimeve të Rënda e mbylli këtë dosje sepse Greqia nuk solli asnjë informacion.  

Pjesë nga debati në emisionin e Ylli Rakipit:

Rakipi: Çfarë kontestoni ju në këtë rast? Ka përgjime ku Beleri ja jep paratë dikujt tjetër 400 mijë për 8 vetë dhe 300 euro për të infiltruarin. Nuk ka blerë vota Beleri në këtë rast?

Dhuli: Nëse provohet se Alfred Petro Beleri, po të duash i shtojmë edhe atë Dhionisis, paguan para për të blerë vota, do të shkoj unë t’i çoj cigare në burg dhe do të vij të të kërkoj ty falje publikisht. Prokuroria nuk thotë që Fredi Beleri jep lekë, thotë që shtetasi Pandeli Kokaveshi.

Lala: Prokuroria thotë që z. Beleri e instrukton të infiltruarin te Pandeli Kokaveshi dhe në momentin dhe në momentin që merren paratë ndërhyhet për t’u arrestuar. Cila është njohja mes Fredi Belerit dhe të infiltruarit?

Dhuli: Shtetasi Arsen Rama furnizonte me peshk lokalin e z. Beleri prej vitesh, jo tani.

Lala: Ju i mohoni bisedat mes Belerit dhe Arsen Ramës për blerje votash?

Dhuli: Unë nuk kam qenë gjatë bisedave. Unë jam zëri i tij politik, jo avokati, jam zyrtar i Partisë Demokratike. Një ditë para se të arrestohej Beleri më ka thënë tekstualisht: Këto ditë bëhu gati për sulme të ashpra.

Unë nuk i kam bërë publike kërcënimet dhe nuk trembem. Akuza ndaj z. Beleri ka qenë e hershme.

Rakipi: Ti ke qenë i vogël. Ka qenë i akuzuar për 4 njerëzit që kanë shkuar në Peshkëpi.

Lala: Ka qenë i pandehur zyrtarisht.

Dhuli: E dini se sa herë kalon kufirin z. Beleri njoftohet antiterrori nga policia?

Hoxha: Edhe kur kaloj unë në Greqi, antiterrori grek...

Lala: Prokuroria për Krime të Rënda e ka marrë të pandehur z. Beleri për masakrën e Peshkëpisë dhe çështja është pushuar sepse Greqia zyrtare nuk solli asnjëherë informacion për arrestimin e pjesëtarëve të organizatës MAVI dhe nuk vuri asnjë informacion në dispozicion për armët që ishin marrë nga Peshkëpia.

Dhuli: Fred Beleri nuk është në burg për masakrën e Peshkëpisë, por për një çmenduri të Edi Ramës. E dini pse i jam bashkuar unë fushatës së Fred Belerit?

Lala: Për këto thirrjet antishqiptare?

Dhuli: Po unë jam mysliman, jam lab, s’kam lidhje.

Hoxha: Po edhe Beleri lab është, nga Progonati.

Dhuli: Jam bashkuar jo vetëm si ish-zyrtar i PD-së për zonën e Himarës e që votoj vetë në atë zonë, por për të bërë zëdhënësin e tij në pjesën e imazhit. Beleri i ka të qarta vetë problematikat që ka patur. Pse shteti shqiptar për gjithë këto vite nuk e ka shqetësuar dhe dy ditë parpara zgjedhjeve, kur Ramës i shkuan sondazhet në tavolinë.

Lala: Fredi është marrë i pandehur për masakrën e Peshkëpisë dhe Greqia asnjëherë nuk solli informacion./ CNA.al





Lajmet e fundit nga