web counter
LEXO PA REKLAMA!

SHKARKO APP

App Store
Google Play

Emigracioni i  jashtëligjshëm/ Shqipëria ka shënuar rritje. Ja sa kanë hyrë në vendin tonë

25 Qershor 2022, 20:48, Aktualitet CNA
Emigracioni i  jashtëligjshëm/ Shqipëria ka shënuar
Foto ilustruese

Emigrantët e paligjshëm vijojnë ta shfrytëzojnë Shqipërinë si tranzit për kalimin në vendet e BE-së. Kështu thuhet në raportin e SHISH për vitin 2021. 

Sipas raportit, rrjete të trafikut të qenieve njerëzore janë të përfshira në të shumtën e rasteve për të ndihmuar kalimet e jashtëligjshme.

“Në varësi të situatës në vendet e konfliktit, por edhe në Afganistan, pas marrjes së pushtetit nga Talebanët, çka solli përkeqësim të situatës humanitare atje, fluksi i emigracionit të paligjshëm mund të njohë rritje në rrugën e Ballkanit, me synim kalimin tranzit drejt vendeve perëndimore. Sipas të dhënave paraprake të FRONTEX, numri EMIGRACIONI I JASHTËLIGJSHËM i përgjithshëm i kalimeve ilegale të kufirit gjatë vitit 2021 ishte numri më i lartë i regjistruar që nga vitit 2017”, thuhet në raport.

Gjithashtu në raport theksohet se “rruga e Ballkanit Perëndimor ka shënuar një rritje me 124% të rasteve të raportuara, për kalim të paligjshëm të kufirit në 2021-shin, krahasuar me vitin 2020. Ndërkohë, në Shqipëri është regjistruar hyrja nga kufijtë e saj tokësorë dhe kalimi tranzit në territorin e saj i rreth 18.000 emigrantëve të paligjshëm, shumica prej të cilëve janë me origjinë nga vendet e MENA-s”.  

Në fund theksohet se rreziku i përdorimit të emigracionit të jashtëligjshëm nga organizata terroriste për të infiltruar operativë terroristë mbetet prezent./CNA.al





Lajmet e fundit nga