web counter
LEXO PA REKLAMA!

SHKARKO APP

App Store
Google Play

E fundit!

x

E akuzuar për aferën e tunelit Kardhiq-Delvinë/ SPAK kërkon një vit burg për ish-drejtoreshën e ARRSH-së

21 Janar 2025, 11:09, Aktualitet CNA

E akuzuar për aferën e tunelit Kardhiq-Delvinë/ SPAK kërkon

Prokuroria e Posaçme kërkon një vit burg për ish-drejtoreshën e ARRSH, Sonila Qato. Kjo e fundit është e akuzuar për aferën në tunelin e rrugës Kardhiq-Delvinë.

Një tjetër masë e kërkuar nga SPAK-u është edhe ndalimi i Qatos për të ushtruar një funksion publik në pesë vitet e ardhshme.

Ndërkohë, SPAK ka zbardhur edhe pretencën për të akuzuarit e tjerë në këtë aferë për shkelje të barazisë në tenderë si dhe falsifikim dokumentesh.

Kështu, për Simon Prendin është kërkuar 2 vjet burg dhe për 3 vite të tjera të mos ushtrojë asnjë funksion publik. Prokuroria ka kërkuar për Elona Gogon 1 vit burg dhe për 5 vite të tjera jashtë funksioneve publike.

Erdit Salillari rrezikon 9 muaj burg dhe 5 vite jashtë funksioneve publike. Për Admir Pahumin, SPAK ka kërkuar 1 vit burg dhe 3 vite dënim plotësues.

Për Nikollaq Mihalin, SPAK kërkon dënimin me 8 muaj dhe 3 vite jashtë funksioneve publike. Për Miranda Shkurtin, 16 muaj shërbim prove dhe 3 vite jashtë funksioneve publike. Për Arbër Trokën, SPAK ka kërkuar dënimin me 2 vjet burg dhe për 3 vite të mos ushtrojë asnjë funksion publik.

Për Almir Hoxhajn, SPAK ka kërkuar 2 vite burgim dhe për 3 vite të tjera të mos ketë funksione publike. Për Arjana Hasanin, SPAK ka kërkuar 4 vite shërbim prove dhe për 5 vite të mos ushtrojë asnjë funksion publik. /CNA





Lajmet e fundit nga