web counter
LEXO PA REKLAMA!

SHKARKO APP

App Store
Google Play

E fundit!

x

14 vite nga ngjarja tragjike e "21 janarit"

21 Janar 2025, 07:29, Aktualitet CNA
14 vite nga ngjarja tragjike e "21 janarit"
21 Janari

Kanë kaluar plot 14 vite nga ngjarja e rëndë e "21 janarit", një nga datat më tragjike, ku katër persona u vranë në bulervardin "Dëshmorët e e Kombit".

Më 21 janar të 2011, Aleks Nika, Ziver Veizi, Hekuran Deda dhe Faik Myrtaj mbetën viktima të protestës së opozitës.

Opozita e atëhershme, sot në qeveri, protestoi para Kryeministrisë, një protestë e cila degradoi në dhunë dhe përplasje ndërsa nga brenda Kryeministrisë u hap zjarr duke sjellë edhe bilancin tragjik me katër viktima.

Ishte ora 14:00, kur protestuesit përshkuan rrugën në këmbë nga sheshi “Skënderbej” deri para Kryeministrisë, ndërsa policia kishte ndërmarrë masat që të mos lejonte asnjë mjet.

Turma nisi me thirrje kundër kryeministrit të atëhershëm Sali Berisha, ndërkohë që vetëm pak minuta më vonë, filloi hedhja e gurëve dhe sendeve të forta në drejtim të forcave të rendit.

Situata u tensionua pasi protestuesit tentuan të hyjnë në oborrin e Kryeministrisë, ndërsa policia mbronte godinën e brendshme.

Për një moment nisën të dëgjoheshin të shtëna armësh nga brenda territorit të Kryeministrisë, dhe këto të shtëna lanë 4 viktimat Hekuran Dedën, Ziver Veizin, Faik Myrtajn dhe Aleks Nikajn.

PS dhe familjarët e viktimave thonë se ende nuk është vendosur drejtësi për viktimat. Madje kryeministri Edi Rama e quan dosjen e 21 Janarit një provë për drejtësinë e reformuar shqiptare. Ngjarja e 21 Janarit është një nga datat më tragjike të demokracisë shqiptare dhe tranzicionit të gjatë dhe të lodhshëm.

Ndoshta pas hapjes së depove në vitin 1997, është ngjarja më e rëndë dhe me përgjegjësitë më të mëdha në historinë politike të vendit./ CNA





Lajmet e fundit nga