web counter
LEXO PA REKLAMA!

SHKARKO APP

E fundit!

x

Virozat e stinës/ Spitali i Tepelënës vuan mbingarkesën

18 Janar 2025, 15:49, Aktualitet CNA

Virozat e stinës/ Spitali i Tepelënës vuan mbingarkesën

Spitali i Tepelenës po përballet ditët e fundit me një mbingarkesë prej virozave të stinës. Rreth 30 raste trajtohen në ditë nga ky spital, që në fakt prej janarit të vitit 2024 është kthyer në një qendër kujdesi ku më së shumti trajtohet të sëmurët kronikë dhe të moshuarit duke përjashtuar shtrimet.

Mjeku i përgjithshëm Shahin Meçe, tregon për “CNA” se gripi që po qarkullon ditët e fundit ka prekur grupmoshat e reja duke u shoqëruar me temperaturë dhe dhimbje koke, e në disa raste shfaqen edhe komplikime.

“Ka qarkulluar ditët e fundit një grip i cili prek kryesisht moshat e reja por edhe të tjerat dhe që shoqërohet me temperaturë të lartë, dhimbje koke, dhimbje muskujsh dhe zgjat dy deri në tre ditë, mirëpo në disa raste ka edhe ndërlikime pasi prek rrugët respiratore ku ka pasur raste me bronkopleunomi apo pleunomi.

Rreth 20-30 raste na paraqiten në urgjencën e spitalit dhe trajtohen ambulatorisht, por ka pasur raste edhe kur janë shtruar”, tha mjeku për “CNA”.

Me vetëm tre mjekë në dispozicion, spitali i Tepelenës, rastet e rënda i referon në spitalin e Gjirokastrës dhe atë të Fierit duke vuajtur kështu disi rastet e shtuar ditët e fundit nga virozat e stinës. /CNA





Lajmet e fundit nga