web counter
LEXO PA REKLAMA!

SHKARKO APP

App Store
Google Play

AMP zbardh të vërtetën/ Efektivi: Nuk kam asnjë pretendim për presion

18 Janar 2025, 15:00, Aktualitet CNA
AMP zbardh të vërtetën/ Efektivi: Nuk kam asnjë pretendim
Foto ilustruese

Agjencia e Mbikëqyrjes Policore ka zbardhur të vërtetën në lidhje me ngjarjen e rëndë ku efektivi i policisë A.S është hedhur nga pallati.

AMP ka hedhur poshtë të gjithë zërat që qarkullojnë në media në lidhje me presione apo shantazhe ndaj efektivit të policisë.

Nga deklarimi me shkrim i administruar nga Agjencia e Mbikëqyrjes Policore, punonjësi i Policisë A.S. nuk ngre asnjë pretendim lidhur me ushtrimin e ndikimit të paligjshëm, apo çdo formë tjetër presioni, shantazhi gjatë ushtrimit të detyrës dhe për shkak të saj.

Si rrjedhojë, AMP zbardh të vërtetën në lidhje me ngjarjen duke përjashtuar se akti i kryer nga vetë efektivit të ketë lidhje me presionin apo shantazhin për shkak të detyrës.

“Nisur nga interesi i disa mediave, pranë Agjencisë së Mbikëqyrjes Policore, e duke marrë shkas nga lajmet e publikuara në media dhe rrjete sociale, lidhur me ngjarjen e oficerit të Policisë A.S., në Komisariatin e Qarkullimit Rrugor Tirane, strukturat e AMP-së Tiranë pavarësisht se nuk kanë administruar një ankesë apo pretendim zyrtar,  kryen verifikimet e nevojshme për sqarimin e rrethanave të ngjarjes.

Kështu, në kuadër të veprimeve verifikuese, që nga momenti i marrjes dijeni, drejtuesit e AMP-së Tiranë janë paraqitur pranë Spitalit të Traumës, për t'u interesuar mbi shëndetin e punonjësit të Policisë, por dhe për të administruar çdo pretendim të mundshëm, për shkak të detyrës.

Nga deklarimi me shkrim i administruar nga Agjencia e Mbikëqyrjes Policore, punonjësi i Policisë A.S. nuk ngre asnjë pretendim lidhur me ushtrimin e ndikimit të paligjshëm, apo çdo formë tjetër presioni, shantazhi gjatë ushtrimit të detyrës dhe për shkak të saj.

Veprimet verifikuese vazhdojnë për sqarimin e plotë të ngjarjes”, sqaron AMP./ CNA

 





Lajmet e fundit nga