web counter
LEXO PA REKLAMA!

SHKARKO APP

App Store
Google Play

U lëndua nga luftimet në Gaza, fëmija 1-vjeçar sillet për kurim në Shqipëri

16 Janar 2025, 17:48, Aktualitet CNA

U lëndua nga luftimet në Gaza, fëmija 1-vjeçar sillet

Organizata Botërore e Shëndetësisë në Shqipëri njoftoi se mbrëmjen e së mërkurës një fëmijë njëvjeçar është transportuar në vendin tonë për t’i dhënë trajtimin e duhur mjekësor.

Fëmija mbërriti nga Gaza dhe aktualisht është nën kujdesin e mjekëve në spitalin Universitar, Nënë Tereza. Familja e njëvjeçarit e përbërë nga babai, vëllai dhe motra, janë akomoduar në qendrën e refugjatëve në Babrru.

"Mbrëmjen e kaluar u krye evakuimi mjekësor për ofrimin e kujdesit kritik në Shqipëri për një fëmijë 1-vjeçar nga Gaza. Fëmija aktualisht po merr kujdesin mjekësor në Spitalin Universitar "Nënë Tereza", ndërsa babai, vëllai dhe motra janë akomoduar në qendrën e refugjatëve në Babrru të Tiranës.

Një falenderim i madh për Kryeministrin Edi Rama dhe Qeverinë e Shqipërisë për lehtësimin e kësaj përpjekjeje humanitare. Mirënjohje Albana Koçiut, Ministre e Shëndetësisë dhe Mbrojtjes Sociale, Skënder Bratajt, kreu i Qendra Kombëtare Urgjencës Mjekësore Haki Çako, Drejtor i Përgjithshëm i Agjencisë Kombëtare të Mbrojtjes Civile, dhe zyrtarëve nga Ministria e Brendshme, për kontributet e tyre thelbësore.  OBSH së bashku me partnerët mbështet koordinimin dhe fuqizimin e një mekanizmi standard, transparent të evakuimeve mjekësore.

Në aeroport, së bashku me zyrtarë të tjerë, për të pritur familjen ishte i pranishëm edhe Gazmend Bejtja, Oficer i ngarkuar i OBSH në Shqipëri.

Angazhimi i Shqipërisë për të mbështetur ata në nevojë është një shembull i rëndësishëm solidariteti. Meqë shumë pacientë nga Gaza ende kërkojnë kujdes urgjent mjekësor, përpjekjet e koordinuara ndërkombëtare mbeten vendimtare", shkruhej në njoftimin e OBSH Shqipëri. /CNA 





Lajmet e fundit nga