web counter
LEXO PA REKLAMA!

SHKARKO APP

App Store
Google Play

Kantier parkimi pranë QSUT-së/ Rama inspekton punimet: 1400 vende të lira për automjetet

16 Janar 2025, 13:41, Aktualitet CNA

Kantier parkimi pranë QSUT-së/ Rama inspekton punimet: 1400 vende

U hap sot kantieri i parkimit pranë Qendrës Spitalore Universitare "Nënë Tereza". Kjo hapësirë e re parkimi pranë QSUT-së do të përfshijë 1400 vende të lira për automjetet.

Kryeministri Edi Rama, që inspektoi hapjen e kantierit e konsideroi si ‘vepër e re publike që do ta kthejë krejt territorin e QSUT në një hapësirë këmbësore, e do të krijojë kushtet për transformimin e saj në një park të madh me pemë, lule e vepra arti’.

Ndër të tjera Rama u shpreh: "Hapet kantieri i parkimit të madh të Qendrës Spitalore Universitare Nënë Tereza, një hapësirë multifunksionale me 1400 vende parkimi në ditë, strukturë hotelerie në dispozicion për familjarët e pacientëve të shtruar, por dhe për studentë, mjekë e bashkëpunëtorë të jashtëm të qendrës, si dhe një hapësirë për helikopterët e urgjencës mbi tarracën e godinës.

Kjo vepër e re publike do ta kthejë krejt territorin e QSUT në një hapësirë këmbësore, e do të krijojë kushtet për transformimin e saj në një park të madh me pemë, lule e vepra arti", njofton Rama në rrjetet sociale./ CNA





Lajmet e fundit nga