web counter
LEXO PA REKLAMA!

SHKARKO APP

App Store
Google Play

Vota e emigrantëve/ Dule, thirrje minoritetit grek për regjistrim

16 Janar 2025, 13:47, Aktualitet CNA

Vota e emigrantëve/ Dule, thirrje minoritetit grek për regjistrim

Kreu i PBDNJ, Vangjel Dule, doli në një deklaratë për mediat ku foli për votën e Diasporës. Dule theksoi se emigrantët në këtë proces zgjedhor janë shumë të rëndësishëm, ndërsa kërkoi më shumë transparencë nga KQZ për ta bërë të gjithë procesin të besueshëm.

“Pjesëmarrja e zgjedhjeve në 11 maj të kryhet edhe nga dokumente që janë përtej datës së skadimit. Procesi të bëhet sa më dinamik. Nuk mund të vazhdohet me këtë proces sikur nuk ka ndodhur asgjë dhe të mos dihet se kush do të jenë ata që do të merren me procesin, kjo vendos në dyshim integritetin e procesit. Vota e Diasporës është një vlerë e shtuar.

PBDNJ, ka nisur një fushatë sensibilizimi në rrjetet sociale, do të ndërmarrim edhe masa të tjera si opozitë. U drejtohem minoritarëve të regjistrohen dhe të japin kontributin e tyre për të zgjidhur problematikat me pronat, me identitetin e tyre apo edhe me probleme të tjera.

Është momenti që emigrantët të marrin vendime, është momenti i tyre. PBDNJ e di ku e ka forcën dhe influencën, në Vlorë, Gjirokastër, Korçë dhe në nivel të dytë është edhe Tirana. Por, edhe qoftë një votë e vetme ka shumë rëndësi për rezultatin përfundimtar".  /CNA 





Lajmet e fundit nga