web counter
LEXO PA REKLAMA!

SHKARKO APP

App Store
Google Play

Vila e ish-diktatorit në qendër arti/ Rama: Shtëpia nuk ka përgjegjësi për krimet

16 Janar 2025, 16:53, Aktualitet CNA

Vila e ish-diktatorit në qendër arti/ Rama: Shtëpia nuk ka

Kryeministri Edi Rama foli në perurimin e hapjes së vilës së ish-diktatorit Enver Hoxha që tashmë është shndërruar në një rezidencë artistike dhe që do të quhet “Vila 31 X Art Explora”.

Në fjalën e tij, Rama falenderoi arkitektët e huaj për ridimensionimin e vilës ndërsa shtoi se tashmë kjo qendër do të jetë më e jetueshme dhe tërheqëse.   

“Kjo godinë ishte tundim për ta shembur e për ta kthyer në diçka tjetër, por mbaron në mënyrën më të mirë.

Falenderoj arkitektët se kanë meritë të jashtëzakonshme për mënyrën si është transformuar kjo hapësirë që ka një program tjetër nga ajo që ka qenë dikur programi i kësaj shtëpie.

Por, duke ruajtur dekorin që e bën këtë qendër më të jetueshme dhe tërheqëse.  Është një punë e jashtëzakonshme, rezultati është spektakolar në të gjitha hapësirat dhe çdo objekt i ri është një vepër arti.

Kur të kaloni do ta ndjeni artin, nëse jo duhet të shkoni dhe të vizitoheni. Shtëpia nuk ka përgjegjësi në raport me të kaluarën, aktivitetet e saj të ardhshme do të jenë nga ato që dikatori i kishte tmerr”, u shpreh Rama. /CNA





Lajmet e fundit nga