web counter
LEXO PA REKLAMA!

SHKARKO APP

App Store
Google Play

E fundit!

x

Reagon ministri Hoxha/ "Po ngrenë stuhi në gotë"

18 Janar 2025, 14:41, Politikë CNA
Reagon ministri Hoxha/ "Po ngrenë stuhi në gotë"
Ministri i Brendshëm Ervin Hoxha

Ministri i Brendshëm Ervin Hoxha ka reaguar në lidhje me ngjarjen e pak ditëve më parë, ku një efektiv policie, shtetasi me inicialet A.S u hodh nga pallati.

Përmes një statusi në rrjetet sociale, ministri Hoxha shkruan se tashmë është bërë një zakon që të deformohen dhe manipulohen ngjarjet për qëllime politike apo për biznes mediatik.

Hoxha thekson se rasti i efektivit është i qartë dhe i dokumentuar dhe e gjithë loja që po luhet nga të “vegjlit” është një furtunë në gotë.

“Është bërë tanimë një zakon shumë i ulët, që të deformohen dhe manipulohen ngjarje të caktuara dhe të goditet Policia e Shtetit, për qëllime tërësisht politike apo biznes mediatik.

Rasti i ngjarjes së Pogradecit, ku u fry një dallgë e madhe dizinformimi me një bandë inekzistente gjobëvënësish, apo rasti i vrasjes së 14-vjeçarit nga bashkëmoshatari i tij, ku u sajuan thika e autorë të tjerë të paqenë, ishin dy raste emblematike të rritjes së nivelit të paturpësisë politike dhe mediatike.

Tani ka dalë një tjetër rast, me të cilin po riluhet loja e “të vegjëlve”, që bëjnë thirrje për protestë (kështu i është vënë emri ca partizave, që të reja mund të kenë shumë gjëra, po nuk kanë as mendësinë dhe as metodat).

Protesta sa të duan, kur të duan, po nuk rezulton që të ketë ndonjë punonjës policie, që ka tentuar të vrasë veten nga ndonjë presion për të mos zbatuar ligjin ndaj dikujt.

Rasti në fjalë është i qartë e i dokumentuar dhe e gjitha është një furtunë në gotë.

Por, meqë jo çdo e keqe vjen për keq, njerëzit mbase e kuptojnë edhe më mirë me këtë rast, që këto lëvizjet me emra të mëdhenj të këtyre “të vegjëlve” janë tamam si ajo loja “fluturon, fluturon” dhe kush ta hajë, ta hajë…

Këtyre organizatorëve, që kanë nxjerrë këto tabelat në rrjete sociale, u sugjeroj ta zëvendësojnë sloganin dhe ta bëjnë “Gënjeshtra, shpresa jonë për deputetë” dhe “Marshojmë, Gënjejmë”.

Plus, duke saktësuar respektivisht subjektet e tyre politike “Gënjejmë Bashkë” dhe “Gënjeshtra Bëhet””, shkruan ministri Hoxha./ CNA





Lajmet e fundit nga