web counter
LEXO PA REKLAMA!

SHKARKO APP

App Store
Google Play

E fundit!

x

“Tigri i bardhë kërcënoi shefin e tij”/ Teliti: Veliaj politikisht e ka vlerën zero

17 Janar 2025, 15:57, Politikë CNA
“Tigri i bardhë kërcënoi shefin e tij”/ Teliti:
Dorian Teliti

Këshilltari për Ekonominë dhe Financat në PD, Dorian Teliti, ka folur për zhvillimet e fundit politike në radhët e PS-së. Në një dalje televizive, Teliti ka komentuar raportin e Veliajt me Ramën, sa u përket hetimeve të SPAK për kryebashkiakun. Teliti thekson se Veliaj vazhdon të kërcënojë shefin e tij Edi Ramën dhe se ky i fundit i është nënshtruar presionit nga kryebashkiaku.

“Hëngri presionin që i bëri kryebashkiaku. Po e hëngra unë do e hash dhe ti. Ka arritur kulmin. Jemi në protestën e 42-të sot dhe do protestojmë pambarimisht. Aty do vazhdojmë të jemi. Të vihet drejtësi”,- tha Teliti.

Anëtari i Këshillit Bashkiak të PD-së tha se Veliaj nuk është më i pari i Tiranës dhe se është zëvendësuar me eksponentë të rëndësishëm në PS. Ndër të tjera, u shpreh se Veliaj politikisht e ka vlerën zero.

“Veliaj nuk është më i pari i Tiranës, se është zëvendësuar me eksponentë të rëndësishëm të PS. Fakti që kanë ardhur 5-6 në Tiranë tregojnë qartazi se Veliaj është zëvendësuar. Veliaj politikisht në Bashkinë e Tiranës e ka vlerën 0”,- deklaroi Teliti.

Më tej shtoi se Veliaj duhet të përballet me drejtësinë  dhe se paratë që janë vjedhur duhet të kthehen. Teliti tha se  Veliaj duhet të pezullohet nga detyra.

“Veliaj do të përballet me drejtësisë. Paratë që janë vjedhur duhet të kthehen. SPAK duhet ta pezullojë nga detyra. Veliaj akuzohet për korrupsion pasiv dhe aktiv. SPAK po fluturon përqark Veliajt si harabel”, - përfundoi Teliti./ CNA





Lajmet e fundit nga