web counter
LEXO PA REKLAMA!

SHKARKO APP

App Store
Google Play

“Fëmijët shqiptarë i lini të vdesin”/ Rama shigjeton opozitën

17 Janar 2025, 13:18, Politikë CNA
“Fëmijët shqiptarë i lini të vdesin”/ Rama
Edi Rama

Kryeministri Edi Rama, në një rubrikë të përditshme me reagime për komentet dhe pyetjet adresuar në platformat sociale, ka shigjetuar opozitën teksa ka përmendur rastin e një dite më parë ku një fëmijë nga Gaza është mjekuar në QSUT.

Rama u është përgjigjur dy komentuesve të cilët e kanë kritikuar qeverinë që nuk ofron shërbim mjekësor për fëmijët shqiptarë. Në këtë rast, Kryeministri ka thumbuar opozitën duke u thënë komentuesve se ndikohen nga llumi i foltoreve, kanaleve dhe portaleve, të cilat “shesin" sikur njerëzit në Shqipëri vdesin edhe për një aspirinë.

 “Jam kurioz të di kur i shkruani këto gjëra i keni seriozisht apo thjesht inati i sime vjehrre bum në krevat te mullixhiu se dakord që e keni shumë inat qeverinë kjo duket shumë larg dhe nuk është ndonjë faj, por që inati për qeverinë të të çojë në pikën që të flasësh kaq përçart kjo është t’i biesh vetes dhe të përhapësh gënjeshtra për llogari të atyre që gënjeshtrat janë kapur si i mbyturi pas fijes së barit dhe ju e dini për kë e kam fjalën. Ku i keni parë ju këta fëmijët që ne i lënkemi të vdesim?

Natyrisht është një pyetje retorike ashtu sikundër ju siguroj sinqerisht nuk ju fajësoj se inati po, llumi i foltoreve, kanaleve, portale ku ju zhyteni po, dhe normal që këtu ju duket sikur njerëzit vdesin edhe për një aspirinë”, -tha Rama.

Kujtojnë se dy ditë më parë PD denoncoi një rast ku tregonte me pamje se si pacientët merrnin mjekim të ulur në karrige.

"Situata e pashembullt! Rama dhe narkoministrja e tij nuk kanë lekë as për poltrone! I vjedhin! I vjedhin! Krim! Krim!”, shprehej kreu i PD-së krahas fotos./ CNA





Lajmet e fundit nga