web counter
LEXO PA REKLAMA!

SHKARKO APP

App Store
Google Play

E fundit!

x

“Të vërtetat në këtë vend cilësohen propagandë”/ Rama vijon replikat në rrjetet sociale

16 Janar 2025, 10:18, Politikë CNA

“Të vërtetat në këtë vend cilësohen

Kryeministri Edi Rama u ka kthyer përgjigje komenteve në rrjetet e tij sociale.

Rama theksoi se angazhimi i tij dhe koha e kaluar në rrjetet sociale është për të informuar qytetarët në lidhje me punët dhe veprat e qeverisë, të cilat jo shpeshherë mbeten pa marrë vëmendjen e duhur në media.

Ndër të tjera, Rama shtoi se të vërtetat në këtë vend cilësohen si propagandë.

“Puna ime është të udhëheq duke menduar, lexuar, analizuar, diskutuar dhe koordinuar dhe më pas informuar. Edhe rrjetet sociale shërbejnë për të informuar apo debatuar. Dita ime nis me qytetarët dhe mendoj se ç'do të bëj me mandatin që kam marrë nga njerëzit.

Asnjë nga punët e mia të mëdha dhe të vogla, nuk ngel pa bërë. Dita ime nis pa gdhirë dhe përfundon pas mesnate. Këtë dritare të re komunikimi e kam hapur që kush më ndjek këtu, ta dijë se çfarë bëjmë. Sa me rëndësi janë gjërat për njerëzit dhe që ndonjëherë mbesin pa marrë rëndësinë e tyre, pasi në media më shumë lajmë bëjnë gjysmë të vërtetat.

Keni dëgjuar ndonjëherë këto ditë që prodhimi nga energjia diellore në vendin tonë ka arritur në 10% të prodhimit të përgjithshëm të energjisë? Jo, nuk e keni dëgjuar. Por, keni dëgjuar që Shqipëria ka prodhuar gjithnjë energjinë për vete, kjo është një gënjeshtër e madhe.

Këtu dëgjohen të pavërtetat dhe jo të vërtetat, dhe më pas të vërtetat i konsiderojnë si propagandë. Shtrihen netëve dhe dergjen në klubet mediatike dhe marrin në gojë gjithnjë dynjanë duke ua sjellë njerëzve në majë të hundës. Punët dhe debatet serioze nuk u interesojnë portaleve, bëjnë spektakël me sherre dhe zhurmë, bëjnë spektakël si ato të rrugaçëve të lagjes. Kështu që ne bëjmë sa mundemi, do të donim më shumë, por nuk i kemi të gjitha në dorë”, u shpreh Rama. /CNA





Lajmet e fundit nga