web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria është shtëpia ime e dytë”/ Ambasadori italian përfundon misionin 5-vjeçar

15 Janar 2025, 13:02, Politikë CNA
“Shqipëria është shtëpia ime e dytë”/
Ambasadori italian Fabrizio Bucci

Ambasadori italian, Fabrizio Bucci, ka përfunduar misionin e tij 5-vjeçar në Shqipëri.

Në një intervistë që përkon me mbylljen e detyrës, Bucci u shpreh tepër i kënaqur për periudhën që kaloi në Shqipëri.

“Kanë qenë 5 vite të mrekullueshme e fantastike. Këtu në Shqipëri në 5 vjet nuk kam kaluar as edhe një ditë të vetme mërzie. Kemi bërë shumë gjëra, nga pikëpamja e marrëdhënieve tregtare, marrëdhënieve ekonomike, marrëdhënieve kulturore, në luftën kundër krimit të organizuar dhe korrupsionit”, -tha Bucci.

Bucci tha se do t’i mungojë Shqipëria, që e cilëson “shtëpinë e tij të dytë”.

Pak për jetën dhe veprimtarinë e ambasadorit

Fabrizio Bucci ka lindur në Romë më 14 prill 1964 dhe është diplomuar në vitin 1988 për Shkenca Politike pranë Universitetit të Romës.

Në vitin 1992 nis karrierën diplomatike ku fillimisht emërohet në Drejtorinë e Përgjitshme të Personelit e më pas në Drejtorinë e Përgjithshme për Çështjet Politike; në vitin 1996 emërohet në Kajro ku qëndron deri në vitin 2000. Në vijim emërohet në Përfaqësinë e Përhershme pranë BE-së.

Rikthehet në Romë në vitin 2004 dhe emërohet në Sekretarinë e Përgjithshme, Njësia e Koordinimit.

Në vitin 2007 emërohet në Washington për t’u rikthyer në Itali në 2013. Këtu kryen funksionin e Kreut të Njësisë për Afganistanin pranë Drejtorisë së Përgjithshme për Çështjet Politike. Në janar të vitit 2014 merr gradën e Ministrit të Plotfuqishëm.

Më pas emërohet Drejtor Qendror për Integrimin Evropian dhe së fundmi kryen funksionin e Zëvendësdrejtorit të Përgjithshëm për Bashkimin Evropian.

Në vitin 2010 është nderuar me titullin Kalorës i Urdhrit të Meritës së Republikës./ CNA





Lajmet e fundit nga