web counter
LEXO PA REKLAMA!

SHKARKO APP

App Store
Google Play

“Koha nuk pret”/ Rama, thirrje emigrantëve të regjistrohen për zgjedhjet e 11 majit

17 Janar 2025, 16:19, Politikë CNA

“Koha nuk pret”/ Rama, thirrje emigrantëve të regjistrohen

Kryeministri Edi Rama nëpërmjet rrjeteve sociale ftoi emigrantët të votojnë masivisht në zgjedhjet parlamentare të 11 majit. Rama theksoi se koha kalon shpejt dhe se emigrantët kanë kohë që të regjistrohen deri më datë katër mars. Ndërsa të tjera, kryeministri shtoi se dërgimi i zarfit për të votuar dhe kthimi i tij me postë mbrapsht do të paguhet nga qeveria.  

“Shumë prej jush në emigracion më kanë shkruar se duan të votojnë, apo pse nuk mundemi ne të votojmë? Kam një merak tani që më në fund ua siguruam të drejtën e votës se mos mbeteni pa votuar për shkak të mungesës së informacionit.

Për shembull zgjedhjet janë vërtet në 11 maj, por ju që jashtë Shqipërisë duhet të regjistroheni nga tani deri më 4 mars. Ndryshe nuk votoni dot, regjistrimi bëhet në faqen e KQZ. Nuk është i vështirë, por do durim dhe kërkon disa minuta. Mos e shtyni për të nesërmen siç e kemi zakon ne shqiptarët se koha fluturon dhe do të votojnë vetëm ata që regjistrohen deri në 4 mars, ka edhe 46 ditë.

KQZ do të dërgojë fletëb e votimit me postë, ju të votoni dhe më pas ta ktheni. Qeveria do të paguajë edhe dërgimin mbrapsht të zarfit me votën tuaj, regjistroheni dhe votoni që ta ngremë edhe më lart respektin për emrin e Shqipërisë kudo jetoni.

E dini mirë se kush e përmbysi emrin e keq të vendit dhe se kush ua ngriti kokën në Itali, Greqi apo në vende të tjera prandaj nuk do ta keni të vështirë. Por, duhet të regjistroheni se koha nuk pret, regjistrohuni në KQZ”, përfundoi Rama.





Lajmet e fundit nga