web counter
LEXO PA REKLAMA!

SHKARKO APP

App Store
Google Play

E fundit!

x

Berisha, me dy standarte/ Sërish me qëndrime kontradiktore përballë Dumanit

17 Janar 2025, 19:55, Politikë CNA

Berisha, me dy standarte/ Sërish me qëndrime kontradiktore

Ish-kryeministri Sali Berisha herë pas herë ka vendosur në shënjestër të sulmeve të tij kreun e SPAK-ut Altin Dumani i cili në më shumë se dy vite në krye të Prokurorisë së Posaçme vendosi një standart të ri dhe nxori nga pluhuri dosjet e nxehta.

Dosjet, të cilat çuan pas hekurave shumë zyrtarë, ish-kryebashkiakë, kryebashkiakë, ish-ministrin, ish-deputetin, drejtorët e Bashkisë Tiranë, ish-zëvëndëskryeministrin, ndërkohë që po kryen hetime intensive për kryebashkiakun e Tiranës Erion Veliaj, por po ashtu pas hekurave është dhe ish-presidenti Ilir Meta për korrupsion, ndërsa kreut të PD-së Sali Berishës i është rikthyer masa e sigurisë detyrim me paraqitje.

Janë goditur grupe të strukturuar kriminalë dhe shumë anëtarë apo koka të bandave janë arrestuar apo janë shpallur në kërkim.

Por, të gjitha këto goditje ndaj krimit dhe korrupsionit duket se Berisha nuk i vlerëson pasi qëndron standarti kur SPAK godet kundërshtarin është i mirë ndërsa kur godet nga e djathta është armik.

Sot, ish-kryeministri Berisha përsëriti qëndrimin e tij kontradiktor në lidhje me kreun e SPAK Altin Dumanin. Pasi e nxiu me deklaratat gjatë një takimi, bëri krahasimin me kohën kur Dumani ishte pjesë e Task-Forcës të krijuar në vitin 2008.

Sipas Berishës, në atë kohë Dumani ishte kampion i luftës kundër korrupsionit ndërsa sot, rezultatet e tij janë të dobëta.

Pasi e quan SPAK-un mburojë të partisë në pushtet, nga ana tjetër Berisha thotë se Task-Forca e kryesuar nga Dumani kishte bërë punë të mirë me rezultate të lartë ndërsa sot ai deklaron se në dy vite në krye të SPAK, rezultatet nuk krahasohen, për të theksuar se ka një performancë të dobët.

“Struktrua e Posaçme dhe e specializuar për korrupsionin SKAP-i i partisë është shndërruar në mburojë.
Task-Forca e viteve 2007-2013 e cila e vërteta është që kryesohej nga prokurorë por përbëhej nga një grup me i gjerë prokurorësh dhe jo prokurorë, punonjës policie dhe shërbim informativ që e bënte të pamundur fshehjen dhe manipulimin e dosjes.
Kjo Task-Forcë në vitin 2007-2008 sipas statistikës të botuar në raportet e Departamentit të Shtetit vendosi nën akuzë 1430 punonjës.
Nga këta u dënuan nga gjykata 630 punonjës.
Në dy vite kulmore të kësaj prokurorie speciaale janë dënuar gjithsej 199 persona në kohë kur krimet janë sa mali”, tha Berisha.

Por le të kujtojmë pak deklaratën e Berishës për Dumanin në kohën kur ai ishte prokuror i Task-Forcës.

“Kush e hoqi prokurorin që po luftonte korrupsionin? Kush e hoqi? Me të cilin Shqipëria..., për atë luftë që i bëri korrupsionit, Shqipëria u bë shembull botëror dhe janë dokumentet për kapitullin që shënoi. I bënë presion të jashtëzakonshëm Edi Rama dhe kundërshtarët e Sali Berishës. Ai nuk i rezistoi dot dhe tha, unë largohem. Ishte prokurori i Task-Forcës, kryeprokurori i Task-Focës, Dumani”, deklaronte asokohe Berisha.


Pra, këto janë dy standartet dhe qëndrimet kontradiktore të Berishës përballë Dumanit. /CNA





Lajmet e fundit nga