web counter
LEXO PA REKLAMA!

SHKARKO APP

App Store
Google Play

E fundit!

x

Kushte të papranueshme në punë/ Punonjësit e ujësjellësit ngrihen në protestë

20 Janar 2025, 15:23, Aktualitet CNA

Kushte të papranueshme në punë/ Punonjësit e

Një grup i madh punonjësish të Ujësjellësit ka mbajtur një protestë sot në drejtorinë e këtij institucioni, duke parashtruar kërkesat e tyre për kushte më të mira pune dhe trajtim të drejtë.

Në protestë ishin të pranishëm 27 faturistë, 21 inspektorë dhe 12 hidraulikë, të cilët e kanë shprehur shqetësimin e tyre për abuzimet dhe vështirësitë që përballen çdo ditë në vendin e punës.

Punonjësit po detyrohen të punojnë edhe gjatë fundjavave, duke shkelur rregullat e pushimeve dhe orëve të punës. Kjo është një ngarkesë shtesë për ta.

Një tjetër shqetësim i madh është paga e ulët. Sipas tyre, rroga mujore është vetëm 35 mijë lekë, një shumë që është shumë më e vogël se sa kërkohet për të mbuluar shpenzimet e jetesës.

Punonjësit kanë shprehur gjithashtu shqetësimin për kërcënimet për heqje nga punë në rast se kërkojnë të drejtat e tyre.

Sipas punonjësve, drejtori i ri ka vendosur objektiva faturimi që janë jashtë mundësive fizike për t'u realizuar, duke shkaktuar një ngarkesë të papërballueshme për ta. Ata shprehen të pakënaqur me mënyrën se si janë përcaktuar këto objektiva dhe kërkojnë një rishikim të tyre. /CNA





Lajmet e fundit nga