web counter
LEXO PA REKLAMA!

SHKARKO APP

App Store
Google Play

E fundit!

x

Thirrje deputetëve të parlamentit shqiptar/ Bashkojuni kongresit amerikan e dënoni krimet e komunizmit!

20 Janar 2025, 15:08, Aktualitet CNA

Thirrje deputetëve të parlamentit shqiptar/ Bashkojuni kongresit

Unioni i të Burgosurve dhe të Përndjekurve Politikë të Shqipërisë i ka bërë thirrje parlamentit shqiptar që t’i bashkohen Kongresit Amerikan dhë të dënojnë krimet e komunizmit.

Unioni ka parashtruar disa kërkesa për parlamentin shqiptar, për të cilat pret reagim nga parlamenti.

Thirrja e Unionit të të Burgosurve dhe të Përndjekurve Politikë të Shqipërisë

Të nderuar deputetë! Shqipëria mban në ndërgjegjen e saj disa nga gjërat më dramatike për një komb!

Njëra pjesë e kombit u përndoq në mënyrë tragjike e të pamëshirshme, u përndoq për bindje, për pasurinë e saj, për rangun dhe inteligjencën, për kodet e saj jetike kombëtare, për liri, për mendim ndryshe u përndoq 4 breza! U përndoq vetëm se ishte e tillë.

Kur një shoqëri nuk ballafaqohet me ndërgjegjen e vet për të bërë pastrimin e të keqes, ajo shoqëri do të vazhdoi të jetë traumatike: e nesërmja mund të jetë më e errtë se e djeshmen. Harresa është fenomen kriminal që nuk i shërben paqes, lirisë por diktaturës.

Ideologjitë komuniste i shkaktuan botës 100 milionë të vrarë.

1.5 milardë të mbajtur robër në kampet e internimet dhe të punës.

Diktatura enveriste i kushtoi shqipërisë sipas statistikës shtetrore: mbi 6000 të pushkatuar dhe të zhdukur kufomat sot, janë pa varr në tokën e tyre!

917 mijë vite burg politikë vuajten 36.000 të burgosur politikë shqiptarë! 100 mijë familje u internuan dhe u dëbuan gjatë regjimit enverist 45 vjeçare duke shkaktuar vdekje fëmijësh e të gjitha moshave nga torturat e xhelatëve enveristë!

2169 institucjone fetare u shkatruan! Kemi 35 vite që presim t’i dënoni këto krime me ligj por ju keni zgjedhur heshtjen!

Europa i ka dënuar që në vitin 1996, amerika i denojnë në 2024 juve pse heshtni!?

Zotrinj deputet kërkonju bashkatdhetarve tuaj falje duke miratuar ligjin për denimin e krimeve të komunizmit!

Heshtja e juaj 35 vjeçare ju bën bashkëfajtor me xhelatët që i kryen këto krime. Dënimi i krimeve të komunizmit është drejtsi dhe jo hakmarrje!

Nuk mund të bëhet politikë apo të ndërtohet demokracia mbi gjakun dhe vuatjen e antikomunistave shqiptarë!

Kërkojmë nga parlamenti shqiptar!

1.Solidarizohuni me rezolutën h.r.5349 të kongresit amerikan “akti vendimtar për mësimin e së vërtetës rreth komunizmit në shkollat amerikane.” Miratuar dhjetor 2024!

2. Të miratohet me ligj “dita kombëtare e kujtesës” në nderim të martirve të lirisë.

1. Të futen në kurikulumet shkollore krimet e stalinizmit shqiptar 1944-1990

4. Të ndërtohet “muri i kujtesës” në nderim të 6000 të zhdukurve të komunizmit përpara piramidës së diktatorit!

5.Të shpallen muze burgu i burelit dhe spaçi!

6. Bazuar në rezolutën e kongresit amerikan të

aprovohet ligji “denimi i krimeve të komunizmit në Shqipëri”

7. Të promovohet një kuotë nga Kuvendi i Shqipërisë, në organet kushtetuese dhe administrative kapacitete që vijnë nga shtresa antikomuniste ish-të përndjekur politikë pa dallime partiake!

8. Shteti shqiptar të bëj bilancin e dëmtimit të pronave të dëmtuara të komuniteteve fetare dhe familjeve të përndjekurave politike , të miratoi ligj të posaqëm për dëmtimin e pronave!

9. Zotrinj deputet! Nderimi i njerzëve që kan rënë viktimë e e regjimeve komuniste dhe mësimi studentëve tanë për ato mizori është mënyra ma e mirë për të siguruar që historia të mos përsëritet! Ndiqni shembullin amerikan zotrinj deputet shqiptar!

10. “Çdo i persekutuar politikë shqiptar është një shkëndijë lirie, e shembulli dinjiteti, krenarie e asaj kohe , kur frika drobiti shpresat e dhuna denatyronte njeriun!“

Deputet: mos harroni pa u tha gjaku i martirve pa u dhënë drejtësi për antikomunstët shqiptar nuk ka paqe Shqipëria!

Deputet:

Shqipëria atdheu i të gjithë shqiptarëve i përket demokracisë dhe jo të kaluemes diktatoriale!

Ne të mbijetuarit e 6000 familarve të zhdukurve, të 36.000 të burgosurve politikë të 100.000 familjeve të internuarve e të dëbuarve politikë, presim përgjigje nga parlamenti!/ CNA





Lajmet e fundit nga