web counter
LEXO PA REKLAMA!

SHKARKO APP

App Store
Google Play

E fundit!

x

Drejtori për Çështjet e Europës takim me Altin Dumanin/ Fokusi, goditja e organizatave kriminale

17 Nëntor 2025, 16:23, Aktualitet CNA

Drejtori për Çështjet e Europës takim me Altin Dumanin/

Ambasada e SHBA në Tiranë ka bërë me dije se pas përfundimit të mbylljes së qeverisë për shkak të fondeve buxhetore, tashmë puna do të vijojë normalisht.

Ambasada ka dhënë detaje në lidhje me takimin e zhvilluar mes Drejtorit për Çështjet e Europës Perëndimore Qendrore, Mark Fleming me kreun e SPAK Altin Dumanin.

Gjatë takimit fokusi i bisedimeve ka qenë te partneriteti i fortë SHBA-Shqipëri, përforcimi i gatishmërisë së NATO-s dhe goditja ndaj organizatave kriminale ndërkombëtare.

“Pas përfundimit të mbylljes së qeverisë për shkak të fondeve buxhetore, jemi gati të vazhdojmë punën tonë normalisht!

Në rast se e keni humbur, patëm kënaqësinë të mirëprisnim muajin e kaluar Drejtorin për Çështjet e Europës Perëndimore Qendrore, Mark Fleming, në Shqipëri.

Drejtori Fleming u takua me udhëheqës nga i gjithë spektri politik, si dhe me institucione të drejtësisë dhe të zbatimit të ligjit, për të theksuar partneritetin e fortë SHBA–Shqipëri, për të përforcuar gatishmërinë e NATO-s dhe për të goditur organizatat kriminale ndërkombëtare”, thuhet në njoftim.

Përveç Dumanit, Fleming ka takuar dhe udhëheqës nga i gjithë spektri politik./ CNA





Lajmet e fundit nga