web counter
LEXO PA REKLAMA!

SHKARKO APP

App Store
Google Play

Vrasja e Martin Canit/ Prokuroria e Tiranës kërkon 25 vite burg për autorin e mitur

17 Nëntor 2025, 16:22, Aktualitet CNA

Vrasja e Martin Canit/ Prokuroria e Tiranës kërkon 25 vite burg

Prokuroria e Tiranës ka dhënë pretencën për të miturin M. P., që akuzohet për vrasjen e Martin Canit. Përmes pretencës, kjo prokurori ka kërkuar dënimin me 25 vite burg për veprën penale vrasje në rrethana cilësuese kundër dy ose më shumë personave.

Mësohet se prokurorja Alma Felaj ka thënë se e lë në vlerësimin e gjykatës dënimin përfundimtar duke i kujtuar kodin penal për të mitur përkatësisht nenin 97.

Ky nen përcakton se dënimi në këto kushte nuk i kalon 12 vite, ç’ka do të thotë se nëse gjykata merr parasysh këto rrethana, autori i vrasjes së Martin Canit dhe plagosjes së Luis Meçja mund të dënohet me më pak se gjysma e dënimit fillestar, pra me 12 vite. Në seancën e ardhshme do të mbahen konkluzionet e mbrojtjes por edhe qëndrimi i palëve të dëmtuara.

Prej nëntorit të 2024, autori 14-vjeçar mbahet në institucionin e të miturve në Kavajë.

Ngjarja e rëndë ndodhi pranë shkollës “Fan Noli” në Tiranë më 18 nëntor të vitit 2024, ku si pasojë e përleshjes mes të miturve mbeti i plagosur edhe vetë autori i dyshuar./CNA





Lajmet e fundit nga