web counter
LEXO PA REKLAMA!

SHKARKO APP

App Store
Google Play

E fundit!

x

“Bread & Heart” në zemër të Tiranës/ Rama: Shqipëria port shprese, prodhon më shumë arkitekturë se e gjithë Europa bashkë

6 Qershor 2025, 11:27, Aktualitet CNA

“Bread & Heart” në zemër të Tiranës/ Rama:

Sot po mbahet në zemër të Tiranës Festivali ndërkombëtar i Arkitekturës “Bread & Heart” nën moton “Sillni pak kripë, ju lutem”.

Ky festival është organizuar nga Agjencia e Zhvillimit të Territorit, nën drejtimin e Adelajda Roka, Drejtore e Përgjithshme e AZHT si dhe nën kujdesin e kryeministrit Edi Rama.

Një event historik që mbahet në Tiranë dhe ka mbledhur arkitektët më të njohur në të gjithë botën me synimin për të shkëmbyer ide që frymëzojnë.

Në fjalën hyrëse, Kryeministri Edi Rama ka theksuar se Shqipëria është kthyer në një port shprese dhe se Tirana nuk është më vetëm një skenë, por një katalizator.

Numri një i qeverisë theksoi se Shqipëria sot prodhon më shumë arkitekturë sa e gjithë Europa bashkë.

Ndër të tjera Rama nënvozi se ky festival nuk ka të bëjë vetëm me arkitekturën si profesion, por është akti me i afërt njerëzor të krijosh hapësira ku jeta mund të rritet dhe të mbrojë veten.

“Shqipëria është kthyer në një port shprese, arkitektët ndërkombëtarë vijnë në numra që vetëm pak vite më parë nuk do t’i kishim imagjinuar. Tirana sot nuk është më vetëm një skenë, është katalizator. Projektet që lindin në Shqipëri nuk janë mediokrite lokale apo klishe globale, janë të gjalla, rezonuese me vlerë. Në një botë të fiksuar me ikona, ajo çfarë shpaloset këtu duket thuajse supersive, diçka që krijohet si e përbashkët, por si asgjë tjetër më parë. Çfarë është më e rëndësishme guxon të ndërtojë mes asaj që është vërtetë e përbashkët, si një akt krijimi. Ky festival s’ka të bëjë me arkitekturën si profesion, por si aktin më të afërt njerëzor, të krijosh hapësira ku jeta mund të rritet dhe të mbrojë veten”, tha Rama./ CNA





Lajmet e fundit nga