web counter
LEXO PA REKLAMA!

SHKARKO APP

App Store
Google Play

"Tafani ka rrëfyer për 17 ngjarje"/ Lala: Laert Haxhiu është mendja më kriminale pas Aldo Bares

5 Qershor 2025, 21:37, Aktualitet CNA

"Tafani ka rrëfyer për 17 ngjarje"/ Lala: Laert Haxhiu

Gazetarja Klodiana Lala ndau sot detaje nga rrëfimet e të penduarit të drejtësisë, Artan Tafani, për orgaizatën kriminale të Laert Haxhiut. 

E ftuar në një studio televizive, Lala tregoi se Tafani ka treguar për 17 ngjarje kriminale, pasi vendosi të bëhej bashkëpuntor i drejtësisë.

“Laert Haxhiu mund të konsiderohet pas Aldo Bares, që ka qenë një mendje kriminale shumëdimensionale, Laert Haxhiu ishte kundërshtar i tij, njeri që vepronte me ashpërsi të jashtëzakonshme. Artan Tafani ka qenë pjesë e grupit të tij kriminal. Artan Tafanit i është vrarë babai në 97’, ka vajtur në Greqi dhe ka bërë punë të ndershme, por më pas nga varësia nga droga... Artan Tafani, u arrestua pas grabitjes së një exchange dhe vendosi të bëhet bashkëpuntor i drejtësisë. Rrëfen 17 ngjarje, përfshirë vrasje.

Një vrasja e Fridman Xhaferrit, një njeri i lidhur me Laert Haxhiu, që kishte dhënë shenja se edhe mund të fliste. E dhunuan në mënyrë barbare dhe e kanë fundosur në rezervuar. Ai rrëfen detaje barbare që tregojnë ashpërsinë.

E dyta, vrasja e një përdoruesi të lëndeve narkotike, e marrin me pretendimin për ti dhënë mall dhe e vrasin me plumb pas koke sepse dyshonte se mund të kishte lidhje me Aldo Baren.

E treta, tentative ose vënia në shënjestër e dy prokuroreve, njëra prej të cilave Doloreza Musabelliu, që është sot prokurore e posaçme. Vënë njerëz për të përgjuar prokuroren, por për fat të mirë u godit grupi dhe nuk u ndërmorrën hapat.

Pra, ashpërsia me të cilën vepronte Laert Haxhiu ishte tej cdo imagjinate. Kjo tregon edhe si përcaktohen në hierarki”,-tha Lala./CNA

 

 

 

 

 

 





Lajmet e fundit nga