web counter
LEXO PA REKLAMA!

SHKARKO APP

App Store
Google Play

Historike/ Festivali ndërkombëtar i arkitekturës “Bread and Heart” vjen në Tiranë

5 Qershor 2025, 16:01, Aktualitet CNA

Historike/ Festivali ndërkombëtar i arkitekturës “Bread and

Festivali Ndërkombëtar i Arkitekturës “Bread & Heart Festival” do të zhvillohet në Tiranë nga datat 5 deri më 8 qershor. Më 6 qershor, duke nisur nga ora 8:00 deri në orën 23:55, do të jetë dita e hapur e festivalit.

Edicioni i parë i festivalit nën moton “Bukë dhe zemër/ Sillni pak kripë ju lutem”, mikson mikëpritjen shqiptare me një ftesë për dialog të hapur dhe një mundësi ndërlidhje mes arkitektëve botërorë dhe atyre shqiptarë.

Një festival mikpritjeje, arkitekture dhe dialogu mbi të ardhmen, ku vizionarët globalë dhe perspektivat lokale takohen, shkëmbejnë ide dhe frymëzojnë, organizuar nën drejtimin e Adelajda Roka, Drejtore e Përgjithshme e AZHT.

Ky festival, i zhvilluar nga Agjencia e Zhvillimit të Territorit, nën kujdesin e kryeministrit Edi Rama është një event historik për Shqipërinë.

Event i cili do të sjellë në Shqipëri studiot më prestigjioze të arkitekturës dhe arkitektët më të njohur nga e gjithë bota.

Historike/ Festivali ndërkombëtar i arkitekturës “Bread and

Eventi do të zhvillohet në “Book Building” në qendër të Tiranës, në sheshin “Skënderbej”.

Dita e hapur e festivalit do të jetë e ndarë në katër sesione, ku do të çelen ekspozita, do të zhvillohen konferenca. Në këtë festival do të ketë dhe performanca artistike.

Do të jenë mbi 150 grupe arkitektësh pjesëmarrës në këtë ngjarje historike në fushën e arkitekturës, të ardhur nga vende të ndryshme të botës. Grupet e arkitektëve që do të jenë pjesë e festivalit, janë të angazhuar në projekte që po zhvillohen në të gjithë Shqipërinë.

Organizatorët e festivalit ftojnë arkitektët botërorë pjesëmarrës të sjellin dhe një mik të ri në këtë event, ose siç thuhet në Shqipëri “sillni pak kripë” për “Bukë e zemër”./ CNA





Lajmet e fundit nga