web counter
LEXO PA REKLAMA!

SHKARKO APP

App Store
Google Play

E fundit!

x

Kryetari i KLSH-së, Shehu pret në takim drejtuesit e Fondacionit Westminster për Demokraci

4 Qershor 2025, 17:52, Aktualitet CNA

Kryetari i KLSH-së, Shehu pret në takim drejtuesit e Fondacionit

Kryetari i Kontrollit të Lartë të Shtetit, Arben Shehu priti në takim në datë 3 qershor 2025 përfaqësuesit e lartë të Fondacionit Westminster për Demokraci (WFD), Chris Levick, Drejtori Rajonal i WFD për Europën dhe Azinë Qendore; Damir Neziri, Zëvendësdrejtor Rajonal i WFD për Ballkanin Perëndimor; Valbona Kuka, Drejtore e WFD për Shqipërinë si dhe përfaqësues nga Ambasada Britanike, në kuadër të bashkëpunimit bilateral me Zyrën Kombëtare të Auditimit të Mbretërisë së Bashkuar (NAO UK). Në takim mori pjesë edhe Sekretari i Përgjithshëm i KLSH-së, Valbona Gaxha.

Gjatë takimit u dakordësua për vazhdimin e bashkëpunimit për ndërtimin e kapaciteteve institucionale, në koordinim me partnerët ndërkombëtarë, duke përfshirë NAO UK dhe homologët rajonalë.

Kontrolli i Lartë i Shtetit ka implementuar me sukses disa programe trajnimi të mbështetura nga WFD, për përmirësimin e teknikave dhe metodave të hartimit të raporteve të auditimit, zhvillimin e strategjisë së komunikimit institucional dhe mbulimin e aspekteve teorike dhe praktike të komunikimit të veprimtarisë audituese.

Këto iniciativa synojnë hartimin e një strategjie komunikimi dhe mekanizma të përmirësuara raportimi me Parlamentin, shoqërinë civile dhe median me fokus në rritjen e transparencës dhe llogaridhënies./ CNA





Lajmet e fundit nga