web counter
LEXO PA REKLAMA!

SHKARKO APP

App Store
Google Play

“Planin për tritolin e bëra bashkë me Laert Haxhiun”/ Vijon dëshmia e Artan Tafanit në GJKKO

4 Qershor 2025, 13:22, Aktualitet CNA

“Planin për tritolin e bëra bashkë me Laert Haxhiun”/

Bashkëpunëtori i drejtësisë, Artan Tafani, vijoi dëshminë e tij në Gjykatën e Posaçme Kundër Korrupsionit dhe Krimit të Organizuar lidhur me grupin kriminal të Laert Haxhiut.

Tafani tregoi se për Haxhiun kishte dëgjuar në lajme dhe më pas u takuan në Dajt.

“Për Laertin kisha dëgjuar vetëm nëpër lajme. U takuam në Dajt në një restorant, ku Laerti më mori jashtë që të flisnim. Atë natë ndenjëm atje në Dajt. Unë u tremba, sepse thashë pse më morën mua këta, kur pashë Laert Haxhiun. Ai më tha ‘do bëjmë ndonjë punë, do të ndihmoj unë me ndonjë mall’. Më duket se e dinte që isha keq me lekët. Të nesërmen Laerti dhe Ligori ikën për Korçë, unë u takova me Klajdin dhe me Lulzimin dhe ikëm në Lushnjë. Gjatë rrugës më dhanë 500 euro, dhe 500 të tjera më dhanë pas 2-3 ditësh”,-tha Tafani.

Tafani tregoi se në një takim tjetër i thanë të vendoste një tritol në Lushnjë dhe veproi siç kishte bërë planin.

“Në një takim tjetër më thanë të vendosja një tritol në Lushnjë, pasi i kishin dhënë mall njërit dhe ai nuk i kishte bërë pagesën. Tritoli do të ishte si një formë presioni. Unë pranova. Që nga dita e parë që i takova kishte një lloj presioni mbi mua, s’dija si t’ua shpjegoja. Rrugës Laerti më dha 100 euro për shpenzime nafte. Unë e kisha lënë makinën në hyrje të Elbasanit. Nisem për Lushnjë për të vendosur tritolin, kisha bërë edhe planin”,- tha Tafani.

Tafani shtoi se planin për tritolin e kishte bërë bashkë me Haxhiun.

“M'u duk sikur kjo ishte prova që këta do të shikonin nëse bëja punë unë apo jo. E ndeza fitilin dhe ika. E vendosa në derën e banesës, ishte në katin e parë të një pallati. Isha në këmbë, kalova nga shinat e trenit. Planin e kisha bërë me Laertin,”-tha Tafani./CNA





Lajmet e fundit nga