web counter
LEXO PA REKLAMA!

SHKARKO APP

App Store
Google Play

E fundit!

x

Aksioni i SPAK-ut/ Prokurori: 9 persona në pranga, u sekuestruan 8 automjete

3 Qershor 2025, 12:53, Aktualitet CNA

Aksioni i SPAK-ut/ Prokurori: 9 persona në pranga, u sekuestruan 8

Prokurori i SPAK-ut, Alfred Shehu, ka dhënë detaje në lidhje me operacionin e SPAK-ut për goditjen ndaj grupeve kriminale që operonin në fushën e narkotikëve.

Raportohet se janë lëshuar 11 masa sigurie arrest me burg e janë ekzekutuar 9 prej tyre dhe vazhdon puna për kapjen e dy personave të tjerë.

Po ashtu bëhet me dije se janë sekuestruar 8 automjete, celularë dhe dokumente që kanë të bëjnë me aktivitetin e grupit kriminal.

“Hetimi ka filluar mbi bazën e informacioneve të ardhura nga Finlanda. Është vlerësuar informacioni dhe në qershor të vitit 2023 është regjistruar procedimi penal në fushën e narkotikëve për trafik, shitje shpërndarje të drogës, të cilat ishin konstatuar në Finlandë.

Bashkëpunimi u shtri më tej në nëntor të 2023-shit, u krijua dhe situata e përbashkët hetimore.

Realisht hetimi deri më sot ka qenë i fshehtë. Janë kapur sasi narkotike edhe në vitin 2024. Shkëmbimi i informacioneve me autoritetet finlandeze ka qenë i pandërprerë. Në përfundim të veprimeve u arrit dhe përcaktimi i ditës së aksionit se ku do të bëhej goditja.

Është dërguar kërkesa për masë sigurie për 11 persona dhe nga GJKKO është pranuar kërkesa duke u caktuar arrest me burg për 11 persona.

Në këtë aksion kanë marrë pjesë dhe përfaqësues të policisë finlandeze. Si rezultat i veprimeve u bë i mundur zbatimi i masës së sigurisë për 9 persona. Po vazhdon puna për arrestimin e dy personave të tjerë.

Janë sekuestruar 8 automjete, telefona celularë dhe shumë dokumente ku një pjesë e tyre janë në gjuhën finlandeze dhe kanë të bëjnë me aktivitetin e grupit kriminal”, tha prokurori./ CNA





Lajmet e fundit nga