web counter
LEXO PA REKLAMA!

SHKARKO APP

App Store
Google Play

Liri Berisha: Ja si u takova me Nënë Terezën në vitin 1991

2 Qershor 2025, 22:44, Aktualitet CNA

Liri Berisha: Ja si u takova me Nënë Terezën në vitin 1991

Liri Berisha, mjekja dhe bashkëshortja e kryedemokratit Sali Berisha, rrëfeu sot veçantinë e takimit me Nënë Terezën. E ftuar në emisionin ‘Opinion’ me gazetarin Blendi Fevziu, Berisha tregoi edhe njohjen e familjes së saj me familjen e Nënë Terezës në vitet 1962-1963.

Berisha u shpreh se kishte pasur një dëshirë utopike për ta takuar Nënë Terezën, pasi ajo mori Çmimin Nobel, ngjarje që e kishte ndjekur përmes televizorit.

“Shoh në televizor që një shqiptare merr Nobel për Paqe, duke marrë çmim Nobel u thotë gazetarëve që me gjak jam shqiptare. Jo vetëm më bëri përshtypje, asnjë nuk e mendonte që një grua kaq e vogël të marri çmimin e Paqes.

Po e shikoja me çudi të madhe si ka mundësi. Vjen mamaja dhe më thotë e di kush është kjo? Kjo është vajza e nënës Drane, Gonxhja, më thotë. I them si ka mundësi? Pata një lloj krenarie, një lloj kënaqësie. Pastaj m’u duk shumë e dhimbshme që në këtë atmosferë kaq kulmore, censura ishte e plotë dhe ishte shumë e dhimbshme.

Ndërkohë që po jepej ky lajm në televizor, më kujtohej që në ambiente të ngushta flitej për një grua shqiptare cila ndihmonte të varfërit jashtë, kaq ishte. Por duhet ta kuptoje që nuk duhej thënë as ajo, që një grua shqiptare.. këto ishin para viteve ’79.

Qysh kur e pashë që mori Çmimin Nobel, kisha dëshirë ta takoja, por ishte dëshirë utopike, Shqipëria në atë kohë ishte totalisht e mbyllur. E kam takuar për herë të parë në fund të vitit ’91, ishte prag Krishtlindjesh dhe na thonë që keni ftesë nga Nënë Tereza, dhe ju pret për vizitë kur të doni. Kjo ishte vizitë e jashtëzakonshme.

Mezi kam pritur ditën që të shkonim atje, ishte ditë e ftohtë dimri”,-tha Berisha./CNA

 

 





Lajmet e fundit nga