web counter
LEXO PA REKLAMA!

SHKARKO APP

App Store
Google Play

E fundit!

x

Të martën nisin provimet e Maturës 2025/ Detajet për lëndët dhe nxënësit e arsimit të mesëm

1 Qershor 2025, 19:17, Aktualitet CNA

Të martën nisin provimet e Maturës 2025/ Detajet për

E marta shënon nisjen e provimeve të Maturës Shtetërore për vitin 2025, për nxënësit që ndjekin arsimin e mesëm të përgjithshëm dhe atë profesional.

Organizimi dhe zhvillimi i provimeve të Maturës Shtetërore është përcaktuar përmes ndarjes në data.

Provimet kryesore, përfshirë Gjuhën e Huaj, Gjuhën Shqipe dhe Letërsinë, Matematikën dhe Provimin me Zgjedhje, do të zhvillohen nga data 3 deri më 24 qershor.  Gjuha e Huaj do të zhvilllohet më 3 qershor, Gjuha Shqipe dhe Letërisa më 10 qershor, Matematika më 17 qershor, ndërsa Provimi me Zgjedhje më 24 qershor.

Provimi me zgjedhje ofron një gamë të gjerë lëndësh, duke përfshirë:

Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet: Ekonomi, Histori Arti, Histori Muzike, Histori Baleti

Të gjitha provimet do të fillojnë në orën 10:00 dhe do të zgjasin 2 orë e 30 minuta.

Për orientimin dhe përgatitjen e maturantëve, testet model për provimet e ardhshme janë shpërndarë shumë më herët në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.

Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), duke siguruar standardet më të larta të transparencës dhe korrektësisë./CNA





Lajmet e fundit nga