web counter
LEXO PA REKLAMA!

SHKARKO APP

App Store
Google Play

Nis regjistrimi në çerdhet dhe kopshtet e Tiranës/ Ja afatet dhe procedurat që duhen ndjekur

30 Maj 2025, 16:04, Aktualitet CNA

Nis regjistrimi në çerdhet dhe kopshtet e Tiranës/ Ja afatet

Javën e ardhshme, në datat 3-7 qershor, nis regjistrimi i fëmijëve në çerdhet dhe kopshtet e Tiranës. Drejtorja e Çerdheve dhe Kopshteve për Bashkinë Tiranë, Zhaneta Beqiri, shpjegon procedurat, teksa theksoi rëndësinë e afateve dhe dokumentacionit që duhet të dorëzojnë prindërit e interesuar.

“Në të gjitha çerdhet, ato që janë të interesuar, në një nga çerdhet e njësisë së tyre paraqiten dhe bëjnë procedurën e aplikimit për të marrë shërbimin për këtë sezon të ri. Në momentin e aplikimit çdo i interesuar duhet të ketë me vete certifikatën e fëmijës, certifikatën familjare dhe dy vërtetimet e punës. Gjatë kohës së verës shqyrtohet ky dokumentacion dhe shkojnë në çerdhe urdhrat e regjistrimit për fëmijët që do të vijojnë frekuentimin. Për fëmijët që janë momentalisht në çerdhe dhe mbushin tre vjeç nuk do të ketë aplikim, por kalojnë automatiksiht në kopsht duke plotësuar prindërit në një nga ditët që çojnë fëmijët në çerdhe një formular ku deklarojnë një nga kopshtet e njësisë së tyre ku ata duan që fëmija të fillojë frekuentimin”,-tha Beqiri.

Në Bashkinë Tiranë, çerdhet dhe kopshtet do të jenë të hapura gjatë të gjithë stinës së verës./CNA





Lajmet e fundit nga