web counter
LEXO PA REKLAMA!

SHKARKO APP

App Store
Google Play

E fundit!

x

Emërimet në Kushtetuese/ KED pezullon verifikimin e kandidaturave për pozicionin vakant

29 Maj 2025, 16:12, Aktualitet CNA

Emërimet në Kushtetuese/ KED pezullon verifikimin e kandidaturave

Këshilli i Emërimeve në Drejtësi (KED) ka pezulluar verifikimin e kandidaturave zëvendësimin e magjistrates së dorëhequr Elsa Toska. KED njofton se do t’i kërkojë Kuvendit që të vlerësojë rishpalljen e thirrjes, duke qenë organi që ka të drejtën të emërojë 3 anëtarë në këtë gjykatë.

“Gjatë fazës së verifikimeve, u konstatua se numri i kandidatëve që plotësojnë kushtet ligjore ka rënë nën pragun minimal të parashikuar prej tre kandidaturash. Në respekt të dispozitave kushtetuese dhe ligjore, si dhe në zbatim të vendimit nr. 84/2024 të Gjykatës Kushtetuese që thekson rëndësinë e përtëritjes së rregullt të kësaj gjykate, një herë në tre vjet, Këshilli vendosi si më poshtë: Pezullimin e procedurës së verifikimit të kandidaturave për pozicionin vakant në Gjykatën Kushtetuese të shpallur më 30.09.2024. Ky vendim bazohet në nenin 125 të Kushtetutës, nenin 7/c të ligjit nr. 8577/2000, nenin 218 të ligjit nr. 115/2016, si dhe në aktet nënligjore përkatëse që rregullojnë këtë proces. Vendimi do të publikohet në faqen zyrtare të Gjykatës së Lartë, në seksionin e dedikuar për Këshillin e Emërimeve në Drejtësi”,-thuhet në vendimin e marrë nga KED./CNA





Lajmet e fundit nga