web counter
LEXO PA REKLAMA!

SHKARKO APP

App Store
Google Play

"Ju denoncoj të gjithëve për lajme false"/ Punonjësi shqiptar i DHL-së kërcënon gazetarët

29 Maj 2025, 12:22, Aktualitet CNA

"Ju denoncoj të gjithëve për lajme false"/

Ditën e sotme në emisionin “Kafe shqeto” në "Syri TV" ka qenë në një lidhje live një nga punonjësit e DHL-së në Firenze në lidhje me votën e diasporës pasi ky punonjës kishte postuar në rrjetet sociale një foto me zarfet DHL të votave.

Gjatë fjalës së tij ai ka thënë se nuk ka asnjë lidhje me PS-në madje është përjashtuar prej saj disa vite më parë.

“Në qoftë se hapen kamerat dhe dal nga magazina me një pako, unë përjashtohem nga puna. Ata që kam dalë unë në fotografi më përzunë. Tri herë në vit vinte policia më kontrollonte serat e mia mos kishte hashash”, ka thënë punonjësi i DHL-së.

 

Gjatë kohës që punonjësi shqiptar i DHL-së ishte duke komunikuar me gazetarin Flavio Qarri, ndërhyn vëllai i tij, gjithashtu punonjës i DHL-së në Firence.

Ky i fundit pretendon se lajmet për vëllanë e tij janë "fake" dhe ka “kërcënuar” se do të paditen në SPAK gazetarët që postojnë këto lajme.

 

“Ju në Shqipëri i thoni gjërat sipas dëshirës suaj, po hajdeni këtu shiheni. Ky është hamall, punon brenda në magazinë. Të jem si ky i denoncoj të gjitha, ju denoncoj të gjithëve për lajme false. Atë doni ju, një denoncim të mirë. Të vijë t’i thotë atij SPAK-ut që ju postoni lajme false. Nuk ke të drejtë të më marrësh foton ta postosh, të denoncoj”, u shpreh ai.





Lajmet e fundit nga