web counter
LEXO PA REKLAMA!

SHKARKO APP

App Store
Google Play

E fundit!

x

Problematikat me zjarret në Gjirokastër/ Kumbaro: Duhet të rrisim ndërgjegjësimin

30 Maj 2025, 13:53, Aktualitet CNA

Problematikat me zjarret në Gjirokastër/ Kumbaro: Duhet të rrisim

Një simulim i një situate zjarri në shkollë ka qenë në qendër të një demonstrimi të organizuar nga emergjencat civile, në bashkëpunim me forcat zjarrfikëse dhe Policinë e Shtetit në Gjirokastër.

I pranishëm në këtë stërvitje ishte edhe ministri i Mbrojtjes, Pirro Vëngu, i cili theksoi rëndësinë e zhvillimit të këtyre ushtrimeve në një qytet si Gjirokastra, që vitet e fundit është përballur me problematika të shpeshta nga zjarret.

“Erdhëm bashkë me kolegen, e nisëm nga Gjirokastra, në kuadër të një programi mbarëkombëtarë, do të thoja, ku kemi nderin ta nisim nga ky qytet, i cili është i përbërë nga elementë ndërgjegjësimi në ambiente publike siç është shkolla 'Çajupi', në të cilën ishim sot, ku patëm mundësinë të demonstrojmë një situatë zjarri dhe të shihnim reagimin e nxënësve dhe të strukturave të tjera. Për dy arsye e zhvilluam këtë simulim, e para për të ndërgjegjësuar fëmijët në raste zjarri dhe sigurisht për sezonin turistik”, tha Vëngu.

Ndërkohë, ministrja e Turizmit, Mirela Kumbaro, u shpreh se Gjirokastra, përveç pasurive natyrore dhe historike që ofron, duhet të garantojë edhe një turizëm të sigurt. Sipas saj, bashkëpunimi me emergjencat civile është thelbësor për këtë qëllim.

“Kur vjen vera, përveç ngritjes së temperaturave, shtohet edhe popullsia, ndoshta dhe pakujdesia e personave të ndryshëm, qoftë barinjve dhe atyre që dalin për aventurë jashtë qytetit. Nëse nuk ka një ndërgjegjësim të shkollave dhe komunitetit nuk ia dalim dot të vetëm”, - shtoi Kumbaro.

Gjithashtu, ministri Vëngu komentoi edhe vendimin e fundit të qeverisë për rikthimin në shërbim të oficerëve të rezervës./ CNA





Lajmet e fundit nga