web counter
LEXO PA REKLAMA!

SHKARKO APP

App Store
Google Play

Ilir Xhakolli: Në Drilon do të krijojmë këndin e piktorëve

30 Maj 2025, 14:15, Aktualitet CNA

Ilir Xhakolli: Në Drilon do të krijojmë këndin e

Kryebashkiaku i Pogradecit tha se së shpejti të gjithë piktorët e Pogradecit do të kenë këndin e tyre të veçantë për të shitur veprat e tyre. Një hapësirë e tillë do të mundësohet në Qendrën e re të Vizitorëve në Drilon, ku çdo piktor do të ketë mundësinë të shfrytëzojë falas ambientet për të shitur pikturat e tij te vizitorët.

Këtë Xhakolli e bëri me dije teksa vizitoi atelienë e piktorit pogradecar, Gentian Zeka, në fshatin Rëmenj:

"Gentian Zeka është prej atyre piktorëve, i cili me punën e tij, jo vetëm na bën krenarë, por e promovon Pogradecin në dimensione të ndryshme. Pata kënaqësinë të zhvilloja një vizitë në studion e tij në fshatin Rëmenj, ku autori ka zgjedhur që të mos lëvizë nga vendlindja e tij dhe ta zhvillojë jetën artistike mes Pogradecit dhe Rëmenjit. Zeka është autor i dhjetëra ekspozitave kombëtare e ndërkombëtare, duke i treguar botës se arti në Pogradec është pjesë e pandarë e përditshmërisë e se Pogradeci, natyra, fshatrat e tij, janë muza frymëzimi për piktorët, artistët dhe shkrimtarët. Do të punojmë që së shpejti t’i mundësojmë një studio në qytet Gentit, ashtu si në Qendrën e re të Vizitorëve në Drilon do të krijojmë një kënd të veçantë vetëm për piktorët, të cilët do të kenë mundësinë të shesin veprat e tyre."/ CNA





Lajmet e fundit nga