E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Drejtoresha e SHISH, Hyseni takim me dejtuesin e CIA-s

2 Qershor 2025, 18:15, Aktualitet CNA

Drejtoresha e Shërbimit Informativ të Shtetit, Vlora Hyseni ka zhvilluar një vizitë në Washington DC, ku u takua me drejtues dhe zyrtarë të lartë të Zyrës së Inteligjencës Kombëtare të SHBA (ODNI), të Departamentit të Shtetit dhe Agjencisë Qëndrore të Inteligjencës (CIA), në kuadër të bashkëpunimit dypalësh dhe partneritetit strategjik.

Hyseni në takimin e zhvilluar me drejtorin e Agjencisë Qendrore të Inteligjencës së SHBA, John Ratcliffe, diskutuan çështje të bashkëpunimit dypalësh dhe u shkëmbyen vlerësime mbi situatën e sigurisë rajonale dhe ndërkombëtare. Gjithashu u diskutua rritja e kapaciteteve të inteligjencës.

“Në takimin me z. John Ratcliffe, Drejtorin e Agjencisë Qendrore të Inteligjencës së SHBA, u diskutuan një sërë çështjesh të bashkëpunimit dypalësh, ku u theksua partneriteti i shkëlqyer me SHISH në interes të identifikimit dhe parandalimit të kërcënimeve të përbashkëta. U shkëmbyen vlerësime mbi situatën e sigurisë rajonale dhe ndërkombëtare, u diskutua mbi thellimin e bashkëpunimit, si dhe rritjen e kapaciteteve të inteligjencës. Vizita në SHBA dëshmon përkushtimin e agjencive respektive për të mbështetur me inteligjencë cilësore dhe paralajmëruese autoritetet e vendimmarrjes strategjike të dy vendeve, për të garantuar sigurinë rajonale dhe ndërkombëtare”, thuhet në njoftimin e SHISH.

Drejtuesja e SHISH, Hyseni është takuar dhe me drejtoreshën e Inteligjencës Kombëtare të SHBA, Tulsi Gabbard, ku u diskutuan çështje të bashkëpunimit në fushën e inteligjencës e sigurisë.

“Në takimin me znj.Tulsi Gabbard, Drejtoreshën e Inteligjencës Kombëtare të SHBA, u diskutuan çështje të bashkëpunimit dhe sfidat në fushën e inteligjencës e sigurisë, me interes për sigurinë kombëtare të dy vendeve tona.

U shkëmbyen vlerësime mbi zhvillimet me impakt në sigurinë rajonale e ndërkombëtare, angazhimin konstruktiv e konkret për sigurinë kolektive, duke konsideruar SHISH si partner të besueshëm dhe Shqipërinë si faktor stabiliteti në rajon”, bën me dije SHISH./ CNA