web counter
LEXO PA REKLAMA!

SHKARKO APP

App Store
Google Play

Ndeshja me Serbinë/ Jenishehri zbulon formulën: Jam matematicien, Duka dhe Silvinjo janë xhelozë

3 Qershor 2025, 09:15, Aktualitet CNA

Ndeshja me Serbinë/ Jenishehri zbulon formulën: Jam matematicien, Duka

Ish-deputeti Selami Jenishehri ka folur për ndeshjen Shqipëri-Serbi dhe ka zbuluar formulën se si mund të fitohet në ndeshje.

I ftuar në "MCN TV", Jenishehri tha se ka studiuar matematikë dhe kjo e ka ndihmuar për të krijuar formulën.  

"Unë jam diplomuar në shkencat e matematikës dhe fizikës dhe kam qenë mësues matematike. Meqenëse isha mësues kujdestar i klasës sportive, trajneri Ramazan Ragami i stërviste me fjalën e fundit të shkencës.

Unë bëhem kurioz, meqenëse kisha djalin në futboll dhe shoh që stërvitja që publikonte FIFA nuk ishte në nivelin që mund të përmirësohet. Unë nxjerr një stërvitje me bazë shkencore tjetër. Nuk të stërvis këmbët, por trurin. Unë të ndryshoj mendësinë. Kur të bëj mendësinë e Mesit, ti je lojtar si Mesi.

E provoj me futbollistët e Vllaznisë, e merr vesh Federata, më thotë a ka mundësi të bëjmë këtë, sepse më thonë futbollistë, trajneri gjerman nuk ka nivelin e Jenishehrit. E bëjmë me porosi.

Zoti Duka dhe zoti Silvinjo kanë detyrim ligjor, që një eksperiment që e ka bërë FSHF dhe ka dalë më mirë se FIFA t’ua transmetojë futbollistëve.

Altin Rraklli më ka marrë këshilltar, se unë di atë gjë që nuk di asnjë trajner, as braziliani Silvinjo. I bëj letër Armando Dukës, a ka mundësi të flas me ata futbollistë? Pse nuk pranojnë? Unë jam shqiptar.

Kjo xhelozi nuk mund të lejohet kur ne ditën e shtunë, është një ndeshje, çdo shqiptar e kupton se çfarë është për Shqipërinë. Nuk më lë mua, të diplomuar në matematikë, deputet i Kuvendit. Duhet zhdukur xhelozia që ka trajneri", tha Jenishehri./ CNA





Lajmet e fundit nga