web counter
LEXO PA REKLAMA!

SHKARKO APP

App Store
Google Play

E fundit!

x

27 mijë maturantë i nënshtrohen sot provimit të Gjuhës së Huaj

3 Qershor 2025, 08:15, Aktualitet CNA
27 mijë maturantë i nënshtrohen sot provimit të Gjuhës
Matura Shtetërore 2025, LSA

Ditën e sotme rreth 27.000 maturantë do t’i nënshtrohen provimit të parë të Maturës Shtetërore.

Sot do të zhvillojnë testin e Gjuhës së Huaj. Provimi do të nisë në orën 10:00 dhe do të përfundojë në orën 12:30.

Nxënësit duhet të jenë të pajisur me kartë ID ose pasaportë, dhe të paktën 2 stilolapsa.

Përveç Gjuhës së Huaj, maturantët do të zhvillojnë më pas edhe testin e Gjuhës Shqipe dhe Letërsisë, Matematikës dhe Lëndës me Zgjedhje.

Provimi i Gjuhës Shqipe dhe Letërsisë do të zhvillohet më 10 qershor, Matematika më 17 qershor, ndërsa provimi i Lëndës me Zgjedhje më 24 qershor.

Provimi me zgjedhje ofron një gamë të gjerë lëndësh, duke përfshirë:

Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet: Ekonomi, Histori Arti, Histori Muzike, Histori Baleti.

Të gjitha provimet do të fillojnë në orën 10:00 dhe do të zgjasin 2 orë e 30 minuta.

Për orientimin dhe përgatitjen e maturantëve, testet model për provimet e ardhshme janë shpërndarë shumë më herët në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.

Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), duke siguruar standardet më të larta të transparencës dhe korrektësisë./ CNA





Lajmet e fundit nga