web counter
LEXO PA REKLAMA!

SHKARKO APP

Zhvillohet stërvitja e ‘Defender 25’ në detin Adriatik/ Ambasada Amerikane: Thelbësore për aleancën dhe sigurinë

5 Qershor 2025, 19:15, Aktualitet CNA

Zhvillohet stërvitja e ‘Defender 25’ në detin Adriatik/

Këtë të enjte, deti Adriatik u shndërrua në një skenë simulimi për të zhvilluar operacione detare si pjesë e stërvitjes ‘Defender25’. Ambasada Amerikanë në Tiranë ka ndarë pamjet e stërvitjes në Adriatik dhe përmes një postimi në rrjetet sociale thekson rëndëisnë e kësaj stërvitjeje, për aleancën dhe sfidat e sigurisë.

Kjo stërvitje bashkon 25 mijë trupa nga 29 vende aleate dhe partnere.

“Dy anije patrullimi nga Skuadroni i Sigurisë së Ekspeditës Detare të Marinës së ShBA shoqëruan anijet e Forcës Detare Shqiptare gjatë stërvitjes, e cila përfshiu forcat shqiptare që zbritën me litar dhe hipën në një anije të Forcës Detare. DEFENDER 25 është stërvitja vjetore më e madhe e Ushtrisë Amerikane në Europë, që bashkon 25,000 trupa nga 29 vende aleate dhe partnere për të rritur shpërndarjen e shpejtë dhe gatishmërinë për operacione të përbashkëta. Këto stërvitje janë thelbësore për të siguruar që Aleatët e NATO-s të mbeten të gatshëm për të përballuar sfidat e vërteta të sigurisë”,-shkruhet në njoftim./CNA

Zhvillohet stërvitja e ‘Defender 25’ në detin Adriatik/

Zhvillohet stërvitja e ‘Defender 25’ në detin Adriatik/

 





Lajmet e fundit nga