E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Dita e Hapur e Festivalit ndërkombëtar të Arkitekturës Bread & Heart/ Mesazhi i veçantë i Ramës

6 Qershor 2025, 10:13, Aktualitet CNA

Për herë të parë në histori, në Shqipëri mbahet një event i rëndësishëm që i përket fushës së Arkitekturës.

“Bread & Heart”, një festival mikpritjeje, arkitekture dhe dialogu mbi të ardhmen, ku vizionarët globalë dhe perspektivat lokale takohen, shkëmbejnë dhe frymëzojnë.

Ky festival është zhvilluar nga Agjencia e Zhvillimit të Territorit, nën kujdesin e kryeministrit Edi Rama është një event historik për Shqipërinë.

Gjithçka është organizuar nën drejtimin e Adelajda Roka, Drejtore e Përgjithshme e AZHT.

Kryeministri Edi Rama ka mbajtur fjalimin e tij hapës për këtë event të rëndësishëm që ka mbledhur 150 arkitektë nga e gjithë bota.

Rama e paralelizoi këtë event me ditën e shenjtë atë të Kurban Bajramit, ku u shpreh se përkimi i këtyre dy ngjarjeve nuk është rastësore, por është si një bekim.

Kryeministri theksoi se, arkitektura mund të transformojë jo vetëm hapsirën por dhe vendet, jo vetëm vendin, por dhe imagjinatën e një komuniteti.

“Ndodh që sot është Bajrami një ditë e shenjtë. Është festë kombëtare që pritet nga të gjithë shqiptarët pavarësisht besimit të tyre.

Shqipëria nuk është një vend që tërheq arkitektët më vizionarë me para apo shkëlqim i tërheq me një vizion më të vështirë, diçka plot jetë, të papërsëritshme.

Kjo bërje bashkë, është një nisje të re në një ditë të shenjtë dhe më duhet të them se nuk besoj në rastësi, ju ftoj të ndjeni lidhjen mes ditës dhe aventurës së re. Ta marrim këtë ditë jo si ratësi por si bekim.

Të nderuar arkitektë që keni ardhur nga dy hemisferat e botës, arkitektura mund të transformojë jo vetëm hapsirën por dhe vendet, jo vetëm vendin , por imagjinatën e një komuniteti. Miq të dashur ju uroj mirëseardhjen e ngrohtë këtu në zemrën pulsuese të Tiranës një Shqipëri që prodhon më shumë arkitekturë se çdo vend europian”, tha Rama./ CNA