web counter
LEXO PA REKLAMA!

SHKARKO APP

App Store
Google Play

E fundit!

x

Avokati i pandehur kapet mat, gënjen sërish për të mbuluar Veliajn

19 Qershor 2026, 15:47, Aktualitet CNA

Avokati i pandehur i Veliajt, Plarent Ndreca, ka përdorur sërish narrativën e ndarjes me xham për të justifikuar mosprezencën e kryebashkiakut të arrestuar me 13 akuza për 5 vepra të rënda penale në seancat në GJKKO.

Për të mos thënë se është frikacak dhe ka frikë të përballet me 13 akuzat e rënda penale, avokati i pandehur, Plarent Ndreca, na thotë se Veliaj nuk shkon në seancat në GJKKO që të mos i cenohet dinjiteti.

“Sepse Veliaj është i pandehur. Ka të drejta specifike që ia garanton Kushtetuta dhe zoti Veliaj nuk vjen në proces për shkak të kafazit të artë, që tashmë po kthehet xhami në kafaz të artë, i cili e konsideron si cenim të dinjitetit njerëzor, ashtu siç thotë Komiteti i Helsinkit dhe Gjykata e Strasburgut. Veliaj ka vlerësuar të mos vijë aty dhe të mos i cenohet dinjiteti, se mjaft i është cenuar liria. Ndërsa këtu zoti Dado nuk vjen si individ, vjen si përfaqësues i shtetit shqiptar, si personazh që ka një funksion publik dhe që duhet të përballet me publikun si është emëruar dhe se si i ka zbatuar detyrat e tij. Zoti Veliaj ka qenë gjithë kohës bashkëpunues me hetimin dhe ka pranuar çdo masë dhe çdo hetim nga Prokuroria.”

Kjo është thjesht një gënjeshtër dhe një skemë e përsëritur e dyshes së pandehur Veliaj-Ndreca.

Narrativa e barrierës prej xhami është rrëzuar pasi vetë Gjykata Europiane për të Drejtat e Njeriut e ka konfirmuar se barriera prej xhami është masë legjitime sigurie jo një formë tratjtimi poshtërues.

CNA ka publikuar dokumentin e GJEDNJ, i cili konfirmon qartë se vendosja e të pandehurve pas ndarjeve prej xhami nuk përfshin në vetvete një element poshtërimi që arrin nivelin minimal të ashpërsisë për të përbërë shkelje, duke e diferencuar këtë masë sigurie nga kafazet metalike.

Pika 20 e vendimit të GJEDNJ thekson se:

“Gjykata ka konstatuar tashmë se vendosja e të pandehurve pas ndarjeve prej xhami ose në "doke" (kabina) prej xhami, nuk përfshin në vetvete një element poshtërimi të mjaftueshëm për të arritur nivelin minimal të ashpërsisë, siç është rasti me kafazet metalike (shih Yaroslav Belousov kundër Rusisë, nr. 2653/13 dhe 60980/14, §§ 124 dhe 125, 4 tetor 2016). Megjithatë, ky nivel mund të arrihet nëse rrethanat e mbajtjes së tyre, të marra në tërësi, do t'u shkaktonin atyre shqetësim ose vështirësi me një intensitet që tejkalon nivelin e pashmangshëm të vuajtjes që është i natyrshëm për ndalimin (shih Kud?a kundër Polonisë [GC], nr. 30210/96, §§ 92-94, GJEDNJ 2000-XI).”

Avokati i pandehur kapet mat, gënjen sërish për të mbuluar

Ky standard europian rrëzon narrativat e ndërtuara mbi baza të pasakta, duke dëshmuar se përpjekjet për të shfrytëzuar këtë çështje në funksion të retorikës politike apo mediatike nuk qëndrojnë përballë realitetit juridik.

Realiteti është se Erion Veliaj nuk shkon në Gjykatën e Posaçme pasi ka frikë të përballet me faktet dhe provat që e kapin në korrupsion, shpërdorim detyre, pastrim të produkteve të veprës penale, fshehje të pasurisë dhe futjen e sendeve të ndaluara në qeli./ CNA





Lajmet e fundit nga