E fundit!

18:28 Aktualitet Anar Huseynov

Armenia pas zgjedhjeve dhe e ardhmja e paqes: një këndvështrim azerbajxhanas

Që nga miratimi i Deklaratës së Uashingtonit më 8 gusht 20...

Përdorën detyrën për kanosje/ Prokuroria Elbasan jep masat e sigurisë për 3 ish-funksionarë

19 Qershor 2026, 09:36, Aktualitet CNA

Me kërkesë të Prokurorisë Elbasan, jepen masa sigurie për 3 ish-funksionarë, të cilët duke përdorur funksionet e tyre shtrënguan qytetarin për të përfituar pasurinë e tij.

Sot u caktuan dhe u ekzekutuan masat e sigurimit ‘Detyrim për t’u paraqitur në policinë gjyqësore’ dhe ‘Ndalimi i daljes jashtë shtetit’ ndaj tre ish-funksionarëve të shtetit, Glodian Ahmetaj, Klevis Hoxha dhe Devis Ago, Drejtor i AMP-së, Oficer i Policisë Gjyqësore dhe Drejtor i Policisë Bashkiake, të dyshuar për kryerjen e veprës penale të “Shtrëngimi me anë të kanosjes ose dhunës për dhënie pasurie” e kryer në bashkëpunim, të parashikuar nga neni 109/b/1 e 25 të K.Penal.

Njoftimi:

Hetimet mbi procedimin penal nr.238, datë 02.03.2026, nisën mbi bazën e materialit të ardhur për kompetencë nga Prokuroria e Posaçme Kundër Korrupsionit dhe Krimit të Organizuar.

Nga hetimi i deritanishëm ka dyshim të arsyeshëm se ish–funksionarët G.A, K.H dhe D.A, gjatë ushtrimit të detyrës, duke shfrytëzuar funksionet e tyre si Drejtor i AMP-së, Oficer i Policisë Gjyqësore dhe Drejtor i Policisë Bashkiake, në bashkëpunim, kanë shtrënguar me anë të dhunës shtetasin A.B subjekt tregtar, duke shtënë në dorë në mënyrë të padrejtë pasurinë e tij me qëllim moskryerjen e kontrolleve ndaj subjektit që ky shtetas administron, duke cenuar marrëdhëniet juridike që mbrojnë lirinë e personit dhe pasurinë private.

Hetimet e kësaj çështje po vijojnë me prioritet, në bashkëpunim me shërbimet e policisë gjyqësore të Agjencisë së Mbikëqyrjes Policore, me qëllim dokumentimin e mëtejshëm të veprimtarisë kriminale.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Elbasan, shpreh angazhimin për hetimin me përparësi të grupveprave që lidhen me veprat penale kundër lirisë së personit si dhe pasurimin e paligjshëm e që cenojnë të drejtat pasurore të shtetasve./CNA