web counter
LEXO PA REKLAMA!

SHKARKO APP

App Store
Google Play

“Kërkesat të ngrihen në Kuvend”/ Hasimja: Emëruesi i përbashkët i protestës është dorëheqja e Ramës

18 Qershor 2026, 17:10, Aktualitet CNA

“Kërkesat të ngrihen në Kuvend”/ Hasimja:

Politologu Ermal Hasimja komentoi sot vijimin prej më shumë se dy javësh të protestave qytetare kundër qeverisë. 

Në një dalje televizive, Hasimja u shpreh se mesazhi i protestës duhet të përfaqësohet edhe politikisht.

Sipas politologut, opozita duhet të reflektojë këto kërkesa në Kuvend, ndërsa mbështetja duhet të vijë edhe përmes partive të tjera politike dhe qytetarëve.

Hasimja shtoi se pavarësisht bindjeve politike, emëruesi i përbashkët i protestave është dorëheqja e kryeministrit Edi Rama dhe largimi i qeverisë.

“Unë mendoj që opozita do të duhet të reflektojë në Parlament kërkesat e sheshit, kërkesat e protestës, pavarësisht pastaj kërkesave të tjera që mund të jenë shprehur gjatë protestave. Ka edhe demokratë, mbështetës të partive të tjera apo qytetarë me bindje të ndryshme, por mesazhi i protestës duhet të përfaqësohet politikisht. Ajo që i bashkon të gjithë aty në shesh, pavarësisht nëse janë të djathtë apo të majtë, është një kërkesë e vetme. Emëruesi i përbashkët për të gjithë është dorëheqja e Edi Ramës dhe largimi i qeverisë. Çdo kërkesë tjetër më specifike mbetet dytësore përballë këtij qëllimi”,-u shpreh Hasimja./CNA

 





Lajmet e fundit nga