web counter
LEXO PA REKLAMA!

SHKARKO APP

App Store
Google Play

E fundit!

x

FOTOT-Në shesh qytetarë dhe "protestuesit strategjikë" me katër këmbë

17 Qershor 2026, 22:18, Aktualitet CNA

FOTOT-Në shesh qytetarë dhe "protestuesit strategjikë"

Është zhvilluar mbrëmjen e kësaj të mërkure dita e 18-të e protestës në kryeqytet, ku qytetarët kanë vijuar të ngrenë zërin përmes kauzave të tyre. Ndryshe nga herët e kaluara, ashtu siç ishte paralajmëruar nga nismëtarët, nisja e grumbullimit për u shty për në orën 19:00.

Qytetarët u mblodhën fillimisht në sheshin "Skënderbej", nga ku nisën marshimin përgjatë bulevardit "Dëshmorët e Kombit" për t'u stacionuar më pas përballë godinës së Kryeministrisë. Aty u mbajtën edhe fjalimet e radhës, ku këtë herë, krahas të rinjve, hapësirë për të folur patën edhe të moshuarit.

Gjatë fjalës së tyre, protestuesit komentuan edhe votimin e fundit në Parlamentin Europian lidhur me raport-progresin për Shqipërinë dhe amendamentin për zonat e mbrojtura, duke e konsideruar atë si një arritje të qëndresës së tyre.

Në protestë pjesëmarrës nuk kanë qenë vetëm qytetarët. Para kryeministrisë kanë zbritur për të protestuar dhe kafshët.

Gjatë protestës janë parë një tufë me dhi, cjepë dhe kecë.

“Jemi protestues strategjikë”, “Zegjine moj Zegjine thuj sa keca jemi ne”, këto janë pankartat që qëndronin përbri kafshëve në protestë.

Pasi përfunduan fjalimet përpara Kryeministrisë, protestuesit nuk u shpërndanë. Ata vijuan marshimin e tyre nëpër rrugët kryesore të kryeqytetit, duke treguar qëndresë dhe duke përshkuar disa nga akset kryesore të Tiranës përpara mbylljes së tubimit të kësaj të mërkure.

Tubim të ngjashëm pati edhe në Korçë por me një numër të reduktuar qytetarësh./ CNA





Lajmet e fundit nga