web counter
LEXO PA REKLAMA!

SHKARKO APP

App Store
Google Play

E fundit!

x

Apeli i GJKKO rrëzon Vilma Nushin/ Vokshi: Betejë e pandërprerë me oligarkët dhe koncesionet

17 Qershor 2026, 17:27, Aktualitet CNA

Apeli i GJKKO rrëzon Vilma Nushin/ Vokshi: Betejë e

Apeli i GJKKO-së ka rrëzuar padinë për shpifje të biznesmenes Vilma Nushi ndaj deputetes së PD-së Albana Vokshi.

Pas shpalljes së vendimit, deputetja e PD-së Albana Vokshi shkruan se është në një betejë të pandërprerë në parlament dhe në gjykata me oligarkët e shëndetësisë dhe koncesionet 100 milionë euro, të konceptuara jo për pacientët, por për të shpërblyer klientët politikë të Edi Ramës.

“Një padi për shpifje e ngritur nga Vilma Nushi, financuese e Edi Ramës dhe përfituese e koncesionit të Check Up-it, u rrëzua nga gjykata dhe vendimi u la sot në fuqi edhe në Apel.

Prej një dekade, jam në një betejë të pandërprerë në parlament dhe në gjykata me oligarkët e shëndetësisë dhe koncesionet 100 milionë euro, të konceptuara jo për pacientët, por për të shpërblyer klientët politikë të Edi Ramës.

Kanë tentuar të më mbyllin gojën me padi. Dështuan. Nëse mendojnë se do të më frikësojnë me shpifje dhe letra anonime, gabohen!

Në 10 vjet, jam mësuar të përballem me pushtetin e dukshëm dhe të padukshëm në anë të kundërta të barrikadës. Ata me pushtetin dhe koncesionet qindramilionëshe. Unë me të vërtetën dhe me interesin publik. Dhe kjo mbetet ende forca ime më e madhe”, shkruan Vokshi./ CNA





Lajmet e fundit nga